2.Tamuera 3:13 - Te B'aib'ara

¹³ Ao e kaoka te rongorongo Tawita ae e kaangai, “E tamaroa! N na karaoa te boraraoi ma ngkoe. Ma I m'aain ae I taetae ma ngkoe i aon te b'ai aei, ko na riai moa ni kaoka natin Tauro te aine nako iu.”

2.Tamuera 3:13 ပူးပေါင်းရင်းမြစ်များ

Karikani B'aai 43:3

Ao e taku Iuta nako ina, “E matoa b'anaan te aomata arei b'a ti na bon aki manga roko i matana ngkana ti aki kaira tarira.

Karikani B'aai 44:23

Ao ko taku nako ira, ‘Kam na bon aki kona ni manga roko i matau ni karokoa kam kaira tarimi are uarereke i rarikimi.

Karikani B'aai 44:26

Ao ti taku nako ina, ‘Ti aki kona n nako; ti na bon aki manga roko i matan te aomata arei ni karokoa e iriira tarira are uarereke. Ti tii kona n nako ngkana e m'ananga naba tarira ane uarereke.’

2.Tamuera 3:12

Ao e kanakoia ana rorobuaka Abenera nakon Tawita ma te rongorongo ae e kaangai, “Ko na riki b'a te tia tautaeka i bukin te botannaomata ae e b'anin, ngkana ko karaoa te boraraoi ma ngai, N na kairoroia aomata nako i aon Iteraera b'a a na karaoiko b'a aia uea.”

1.Rongorongo 15:29

Ao e taratara nako natin Tauro te aine are Nei Mikara man ana winto ni matakuakina uotakin te ati ni karinaki n Ana Kaawa Tawita. Ma ngke e noora Tawita ni kibakiba ni m'am'aie ni karinea te UEA, ao e rangi n nuka iai.