2.Tamuera 3:10 - Te B'aib'ara

¹⁰ E taekinna te UEA b'a E na aki manga kauea temanna man ana utu Tauro ao e na onomwi Tawita n riki ni uea. E taekinna naba b'a E na tautaeka Tawita i Iteraera ao i Iuta, ao n taabo nako mai Taan i meaang nako Beerateb'a i maiaki.

2.Tamuera 3:10 ပူးပေါင်းရင်းမြစ်များ

2.Tamuera 17:11

Aio au iango, ko na bootia m'anen Iteraera man te kaawa are Taan i meaang rikaaki nakon te kaawa are Beerateb'a i maiaki. Ko na kam'aitiia riki am tautia nakon tanon mataniwiin te bike. Abetarom, ko na kairiia boni ngkoe,

2.Tamuera 24:2

Ma ngaia are, e tuanga Ioaba ma aobitian te taanga ni buaka ni kaangai, “Naako nakoia kaain te baronga ni kabane i Iteraera, ni moa man kaawan Taan i meaang ni karokoa maiakin Beerateb'a, ao wareki m'aitiia aomata ni kabane aika a konaa n riki ni kaaina te taanga ni buaka. I tangiria n ataa m'aitiia.”

2.Tamuera 3:11

E rangi ni maaka Abenera teuare Itiboteta n te aro are e aki konaa naba ni kaeka.

2.Tamuera 3:21

Ao e taku Abenera i mwiin te baka n am'arake, “Ko kariaia b'a N na nako ngkai, ao N na kaoka Iteraera nako ikai i bukin karaoan te boraraoi ma ngkoe. Ko na riki b'a te uea i bukin te botannaomata ae e b'anin, n aron are ko tangiria.” Ao Tawita, e tuanga Abenera b'a e nang nako, ao e nako, ao akea te kiriwe ae e karaoia.

1.Uea 4:25

I nanon ana tai ni maiu Toromon ao a bane n rau aomata ake a maeka i aon Iteraera, ni moa man te kaawa are Taan i meang, ao n toki i Beerateb'a i maiaki. A tekateka ma te rau n aki kakiriweaki utu nako i aan arokaia te kureebe, ao arokaia te biiku.

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?

1.Tamuera 15:28

Ao e taku Tamuera, “E a tia te UEA ni bwenaua te tautaeka ni Iteraera man anaia mairoum n te bong aei, ao E na anga nakon temanna ae raoiroi riki nako im.

1.Tamuera 28:17

E a tia te UEA ni karaoa nakoim te b'ai are e a tia n tuangko rinanou ngkoa: e a tia n anaa te abanuea mairoum, ao e a manga angan Tawita.

1.Tamuera 3:20

Ao e bane n ataaki irouia aomata ni kabane man te kaawa are Taan are i meang nakon te kaawa are Beerateb'a are i maiaki, b'a Tamuera bon Ana burabeti ni koaua te UEA.