2.Tamuera 24:25 - Te B'aib'ara

²⁵ Ao i mwiina, e karaoa te baonikarea i bukin te UEA. E karean taian man ao e kabuoki i aon te baonikarea. Ao E kaekaa aia tataro aomata te UEA, ao akea riki ae e manga mate man te aoraki are e kakamaaku arei.

2.Tamuera 24:25 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 22:9

Ao ngke a roko n te tabo are E tuangnga te Atua, ao e a karaoa te baonikarea Aberaam iai, ao e baairei taian aia i aona. E kabaea natina are Itaaka, ao e katokaa i aon te baonikarea i aon taian aia.

Karikani B'aai 8:20

Ao e karaoa te baonikarea Nooa i bukin te UEA, ao e anaa kakatemanna te man ae kawakawa mai buakoia maan aika kawakawa ake a itiaki, ao mani mannikiba naba ake a itiaki, ao e kabuoki ni kab'anini b'a taiani karea i aon te baonikarea.

2.Tamuera 21:14

Ao i mwiina, e anga ana taeka i bukin riia m'aane ake a tia ni kabaeaki roroaia b'a a na taunaki naba ikekei. Ao e karaoaki nanon arei, ao E kaekai taian tataro te Atua ni kakab'aia te aba.

2.Tamuera 24:14

Ao e rangi ni maaku Tawita, ao e taku, “E matoatoa rineana! Ma E bon akoi te UEA, e raoiroi riki katuaaeau Irouna nakon ae N na katuaaeaki iroun temanna.”

1.Uea 1:1

E a bon rangi ni kara ngkai te uea are Tawita, ao e a rangi ni mamariri e ngae ngkana e rabunaki ni burangketi aika a rawata.

Etekiera 16:42

Ao i mwiin anne, e na toki uniu, ao e na rau nanou. N nang aki manga oki n unun ke ni kokoo.

Warekaia Iteraera 17:13

Ti na boni mate naba ngkana ti kaaniia te Um'antabunrianna!”

Tani Motiki-taeka 21:4

Ao n te ingabong are i mwiina, ao a karaoa te baonikarea Iteraera ao a anga aia karea are kakukureian te UEA ma ni bubutiia Ana kakab'aia.

Tani Motiki-taeka 6:24

Ao e karaoa te baonikarea Kiteon i bukin taromaurian te UEA, ao e aranna b'a “E kamaunanakoi makura te UEA.” Ao bon are e tei naba ngkai i Obera, te kaawa are i abaia kaain te kaainga are Abietera.

1.Tamuera 13:9

Ao n tokina, ao e anga ana taeka Tauro ni kaangai, “Uotimai maan tabeman, b'a ti aonga n anga te karea are kakukureian te UEA ma ni bubutiia buokara.” Ao e tiringa temanna te man Tauro,

1.Tamuera 14:35

Bon te moan baonikarea are kateia Tauro i bukin te anga karea nakon te UEA.

1.Tamuera 7:17

Ao i mwiina, e a manga nako n okira abana i Ram'a ma ni karaoa naba te m'akuri n tia moti. Ao iai naba te baonikarea ae karaoia i bukin te UEA i Ram'a.

1.Tamuera 7:9

Ao Tamuera e bubutiia te UEA b'a E na kamaiuia Iteraera, ao i mwiina e anga te karea ae te tiibu te tei nakon te UEA.