2.Tamuera 24:24 - Te B'aib'ara

²⁴ Ma e kaeka Tawita ni kaangai, “I aki! N na riai ni kabooi ni m'aitin booia ae e riai. I aki konaa n anga nakon te UEA ae Atuau te b'ai ae I anaia n aki akaaka.” Ma ngaia are, e kabooa te tabo ni kaakikunuita arei ma te kao n nimabwi te m'akoro n tirewa.

2.Tamuera 24:24 ပူးပေါင်းရင်းမြစ်များ

Karikani B'aai 23:11

“Ko na ongora i rou, I anganiko te katawanang ni kabane ma te b'anga ni matang ane iai. I bon taetae i mataia kaain abau aikai ni kabane, N na bon anganiko, b'a ko aonga n tauna iai rab'atan buum.”

Karikani B'aai 23:13

ao e taku nakon Ebiron ni kanenea b'anaana ni kaongongoia aomata akekei ni kabane, “N na butiiko, ao taiaoka n ongora. N na kabooa te katawanang ni kabane, ao ko na kariaia kab'akaan boona, b'a N na tauna buu iai ikekei.”

Karikani B'aai 23:16

Ao e kariaia Aberaam, ao e anga i mataia aomata akekei te m'aiti are e a tia n taekinna Ebiron i mataia kaain Eta naba akekei are abubua te m'akoro n tirewa n aron te baaire are e b'ainaki irouia taani bitineti.

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

1.Rongorongo 22:1

E taku Tawita, “E na karaoaki ana Tembora te UEA ikai n te tabo ni kaaki kun ni uita aei. Ao e na mena naba ikai te baonikarea i bukin taiani karea.”

I-Rom 12:17

Tai karaoa ae buakaka nakon te aomata ae karaoa ae buakaka nako im, ma karaoi baika raraoi i mataia aomata nako.