2.Tamuera 24:22 - Te B'aib'ara

²² Ao e taku Arauna, “Anaa te b'ai ane ko bon tangiria ao anga am karea. Aikai naba tabeua taian kao i bukin am karea. Ko konaa naba ni kamanenaa kairababan te tabo ni kaaki kunniuita ma amon te kai b'a am aia.

2.Tamuera 24:22 ပူးပေါင်းရင်းမြစ်များ

Karikani B'aai 23:11

“Ko na ongora i rou, I anganiko te katawanang ni kabane ma te b'anga ni matang ane iai. I bon taetae i mataia kaain abau aikai ni kabane, N na bon anganiko, b'a ko aonga n tauna iai rab'atan buum.”

1.Uea 19:21

Ao e nako Eritai ao e kairiia ana kaom'aane ake uoman. E tiringiia, ao e kaburoia i aon te ai ae e aianna ni kain ana b'arau. E anga irikon ana man akekei nakoia aomata ake a mena i rarikina, ao a bane n am'arake. Ao i mwiina, e ri mwiin Eria ao e riki ngaia b'a te tia buobuokia.

1.Rongorongo 21:22

E taku Tawita nakoina, “Ko rawa ni kabooa am tabo ni kaaki kun ni uita aei nako iu, b'a I aonga ni konaa ni katea iai te baonikarea i bukin te UEA? B'a e aonga n toki tiringakiia aomata n te aoraki aei. N na kabooa nakoim n aron boona ane ko bon taku.”

Tani Motiki-taeka 6:26

Ao i mwiina, karaoa te baonikarea i bukin taromauriau i aon kabanean rietaatan te tabuki are e tei iai te kaawa. Kabonganai taian atiibu aika aiakirake i bukin baonikareau, tiaki ti taiani b'a aika a kauataorake. Koroi taiani kai man te boua, ao kam'aaka te ai, tiringa te kaom'aane ae tuai koromangeaki, ao kabuokia b'a te karea nako iu.

1.Tamuera 6:14

Ao a kiitana te kawai taiani kao akekei ao katikitika te kaa nakon te katawanang are ana b'ai Iotua are kaain Beta Temeti, ao a tei i rarikin te b'a ae korakora. Ao iai tabeman m'aanen te baronga are Rewi ikekei. Ma ngaia are, a karuoa te Atiniberita mai aon te kaa are katikitikaki irouia maan ao ni kaaki i aon te b'a, ao a kamenaki naba taian kimoa ma kinaka i aon te b'a.