2.Tamuera 24:2 - Te B'aib'ara

² Ma ngaia are, e tuanga Ioaba ma aobitian te taanga ni buaka ni kaangai, “Naako nakoia kaain te baronga ni kabane i Iteraera, ni moa man kaawan Taan i meaang ni karokoa maiakin Beerateb'a, ao wareki m'aitiia aomata ni kabane aika a konaa n riki ni kaaina te taanga ni buaka. I tangiria n ataa m'aitiia.”

2.Tamuera 24:2 ပူးပေါင်းရင်းမြစ်များ

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

2.Tamuera 17:11

Aio au iango, ko na bootia m'anen Iteraera man te kaawa are Taan i meaang rikaaki nakon te kaawa are Beerateb'a i maiaki. Ko na kam'aitiia riki am tautia nakon tanon mataniwiin te bike. Abetarom, ko na kairiia boni ngkoe,

2.Tamuera 2:13

Ao i nanon te tai anne, e kairiia ana taanga ni buaka Tawita, ao a kaaini kaaitibo koraki aikai n te nei are i Kibeon. A tekateka Abenera ma ana rorobuaka n iteran te nei are teuana, ao Ioaba ma ana rorobuaka a tekateka ni iterana are teuana.

2.Tamuera 20:23

Ioaba bon mataniwiin ana taanga ni buaka Iteraera ae e b'anin. Benaia are natin Ieoiata te m'aane boni ngaia are e tararuaia taan tararuaa Tawita.

2.Tamuera 23:37

Naarai mai Beerota, are e uouota ana b'ai ni buaka Ioaba are natin Teruia te m'aane

2.Tamuera 24:15

Ma ngaia are, n te ingabong anne, E kanakoa te anera te UEA b'a e na kabutaa aon Iteraera ni kabane n te aoraki ae e kakamaaku, ni moa mai Taan nako Beerateb'a.

2.Tamuera 3:10

E taekinna te UEA b'a E na aki manga kauea temanna man ana utu Tauro ao e na onomwi Tawita n riki ni uea. E taekinna naba b'a E na tautaeka Tawita i Iteraera ao i Iuta, ao n taabo nako mai Taan i meaang nako Beerateb'a i maiaki.

2.Tamuera 8:16

Ioaba are natin Teruia te m'aane bon mataniwin te taanga ni buaka. Ieotiab'ata are natin Airuta te m'aane bon te tia kaawakina rongorongon te tautaeka.

1.Rongorongo 21:2

Ao e taku Tawita nakon Ioaba ao mataniwiin te taanga ni buaka, “Wareki m'aitiia aomata ni kabane i Iteraera, man te kaawa are Beerateb'a i maiaki ni karokoa Taan i meang. Ao n na ataia iai b'a m'aitira aika a mena ngkai i nanon au taanga ni buaka.”

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Taeka n Rabakau 29:23

E uota te kamamaaeaki te kainikatonga ae e bati; e karekea te neboaki te nanorinano.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?