2.Tamuera 24:17 - Te B'aib'ara

¹⁷ E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

2.Tamuera 24:17 ပူးပေါင်းရင်းမြစ်များ

Karikani B'aai 18:23

Ao Aberaam, e kawara te UEA ao e titirakinna ni kaangai, “E koaua b'a Ko nang bon kamaunaia aika raoiroi ma aika taani bure?

Karikani B'aai 44:33

Ma ngaia ae, I butiiko Nao, N na tiku ikai b'a am toro n onea mwiin te ataei ni mm'aane aei. Kaokia ma tarina.

2.Tamuera 12:13

Ao e taku Tawita, “I a tia ni aki ongotaeka nakon te UEA.”

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

2.Tamuera 7:8

Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Iobi 7:20

Ko rootaki n au bure? E aera ngkai Ko karikai b'a Am taakete? I a riki b'a te b'ai ni karawawata ae korakora nako Im?

Taian Areru 32:5

I kaoti au bure nakoim, Ao I aki karabai au kairua; I kataua te kaoti taekaia nakoim, ao Ko kab'arai au bure ni kabane.

Taian Areru 44:11

Ko anga ngaira b'a kanga tiibu nakon te kamateaki; Ko kamaaenakoira i buakoia botannaomata.

Taian Areru 74:1

Te Atua, Ko aera ngkai Ko kitanira n te aro aio? E na toki ningai unim irouia am Aomata?

Taian Areru 78:71

ike e tararuaia iai, Ao E karikia b'a te uea i aon Iteraera, n ai aron te tia kawakin-tiibu i bukiia ana aomata te Atua.

Te Otinako 10:16

Ao e kawaekoaa te uea ni weteia Moote ma Aaron ao e taku, “I a tia ni bure nakon te UEA ae Atuami ao nako imi.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Iona 1:12

Ao e taku Iona, “Karenakoai nako taari ao e na toki te buaka; b'a I ataia b'a e roko te ang ae korakora aei i aomi i buku.”

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”