2.Tamuera 24:16 - Te B'aib'ara

¹⁶ Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

2.Tamuera 24:16 ပူးပေါင်းရင်းမြစ်များ

Karikani B'aai 10:16

Bon aia bakatibu naba kaain Iebuti, kaain Amora, kaain Kirekata,

Karikani B'aai 6:6

ao moan te rawawata nanona i rouia ngke bon tiaki arei bukin karikaia nako aon te aonnaba. Ao E rangi n rawaawata nanona iai.

2.Tamuera 24:18

Ao e roko te burabeti are Kata n te bong naba arei iroun Tawita ao e taku, “Naako nakon ana tabo ni kaakikunuita Arauna ao karaoa iai te baonikarea ikekei i bukin te UEA.” Ao e taku Tawita.

2.Tamuera 5:8

I aki ribaia aomata aika a aki konaa n nakonako ke a mataki.

1.Uea 19:4

ao e a manga m'ananga i nanon teuana te bong nakon te rereua. Ni karokoa e a roko n te buakoako teuana ae korakora ao e a tekateka i aan nuuna. E a tataro ni buubutii nakon te UEA ni kaangai, “E a bati n tau. An tiringai. A kakab'aiaki riki au bakatibu nako iu.”

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

1.Rongorongo 1:14

Kanaan bon aia bakatibu naba kaain Iebuti, kaain Amora, kaain Kirekara,

2.Rongorongo 3:1

A moana karaoan te Tembora are i Ierutarem ana taani m'akuri Toromon ni kauabongin te kauoua n nam'akaina, aua te ririki i m'aain rikin Toromon b'a te uea i aon Iteraera.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Taian Areru 135:14

E na kaeti taekaia ana botannaomata te UEA; E na nanoangaiia ana toro.

Taian Areru 35:6

A na roo kawaia ma ni kamaranran n aia tai ni kakioaki iroun ana anera te UEA!

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 90:13

Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Te Otinako 32:14

E aoria ngkana E a tia ni katanoataa te UEA b'a E na kamaunaia ana aomata, ma E na manga bon bita nanona ma ni kamaiuia.

Te Otinako 9:28

Tataro nakon ami UEA! Ani katoka te baa ma te karau te aiti aei! I berita b'a N na kanakoingkami; kam na aki manga tiku riki ikai.”

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Ieremia 26:19

Ao a manga kaeka taani kairiiri ni kaangai: Bon akea ae e tiringa Mika i bukin taekinakin anne. Ma n onean mwiin anne, e tataro Etekia nakon te UEA ma te maaku ao te ruru ao e butiia b'a e na nanoangaia. Ao i mwiin anne, e baaireia te UEA b'a E nang katoka uruan Ierutarem, e ngae ngke a tia n taekina b'a E na karaoia. Kaain Iuta, ngkana kam tiringa Ieremia, ao ti bon karokoa iai te kabuanib'ai ae e kakamaaku nakoira.

Ieremia 42:10

I kab'araa Au bure ngke I a tia ni katuaaingkami, ma ngaia are, I tuangkami ngkai b'a kam na tiku ikai i Iuta, ike N na unikingkami ma ni karikirakeingkami iai, n onea mwiin are N na bwenauaingkami ni kab'akaingkami ao n na kouwakaaingkami.

Amota 7:3

Ao E bita nanona te UEA ao E taku, “Tera ae ko a tia n nooria Amota, N na bon aki kakoroa bukina.”

Amota 7:6

Ao E a manga bita naba nanona te UEA ao E kaangai, “E na aki koro naba bukin aei.”

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Tekaria 9:7

A na aki manga kana te iriko ni man kaain Biritia ae e raraa ke am'arake aika a aki itiaki. A na riki b'a raoia Ana aomata Atuara man te baronga are Iuta. Ao te Atua E na butim'aia kaain Ekeron, n aron naba are e karaoia nakoia kaain Iebuti.

Mareko 14:41

Ao E oki te katenua n tai ao E taku nako ia, “Ae kam boni matu naba, ma n iri nanomi ni motirawa? E a tau! E a roko te tai! E a kam'aneaki Natin te Aomata nakoia taani bure.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

1.I-Korinto 10:10

Ao kam na tai ngurengure, n ai aroia tem'angina i buakoia ngke a ngurengure, ao a tiringaki iroun Aneran te Mate.

2.I-Korinto 2:6

E bon tau te rekenikai anne i bukin teuanne mairouia m'aitin ami koraki;

Iotua 15:63

Ao a uaia ni maeka aomatan Iuta ma I-Iebuti Ierutarem, ao n aki kona ni kakionakoia I-Iebuti mai Ierutarem. Ao anne bukina ae I-Iebuti a teimatoa ni maeka Ierutarem n reitaki ma aomatan Iuta.

Tani Motiki-taeka 1:21

A maeka kaain Iebuti i Ierutarem, ma a aki konaaki irouia te baronga are Beniamin ke n tauaki aia kaawa irouia. Ao bon anne bukina are a bon tiku naba ni maeka kaain Iebuti i Ierutarem i rarikiia kaain te baronga are Beniamin.

Tani Motiki-taeka 19:11

E a tabe n roo, ao e taku ana toro te m'aane arei, “Ti a tiku n aia kaawa kaain Iebuti aei ni kangainaa.”

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa