2.Tamuera 24:10 - Te B'aib'ara

¹⁰ Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

2.Tamuera 24:10 ပူးပေါင်းရင်းမြစ်များ

2.Tamuera 12:13

Ao e taku Tawita, “I a tia ni aki ongotaeka nakon te UEA.”

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

1.Uea 8:35

Ngkana tao arona b'a a bure am a Aomata nakoim, ao katuaaia n taua te karau b'a e na aki b'aka nakoia. Ao ngkana arona b'a a manga rairaki nakon te Tembora arei ma n tataro n Aram ma ni katoka karaoan te bure,

1.Rongorongo 21:7

E un te Atua n ana babaaire Tawita i bukin warekaia aomata, ao e katuaaia Iteraera.

1.Rongorongo 21:8

Ao e tataro Tawita ao e taku, “Bon am toro ngai. Ao e rangi nanobaba te b'ai ae I a tia ni karaoia ao e bon rangi ni kaairua. Taiaoka, kab'ara au bure.”

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

2.Rongorongo 32:26

Ao rimwi riki, ao a namakina aia kaairua Etekia ma aomata ao a bubutiia te UEA b'a e na kab'arai aia bure. Ma ngaia are, e a aki katuaaia te UEA ni kabane ana bong ni uea Etekia.

Iobi 7:21

Ko aki kona ni m'anuokin au bure? Ko aki kona ni kab'arai au bure ake I a tia ni karaoi? N na roko n ruanimateu n te tai ae waekoa, ao N na bua mai kai ngkana Ko kakaaeai.

Taian Areru 32:5

I kaoti au bure nakoim, Ao I aki karabai au kairua; I kataua te kaoti taekaia nakoim, ao Ko kab'arai au bure ni kabane.

Te Otinako 10:16

Ao e kawaekoaa te uea ni weteia Moote ma Aaron ao e taku, “I a tia ni bure nakon te UEA ae Atuami ao nako imi.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Warekaia Iteraera 12:11

ao e taku nakoni Moote, “Teuae ko karineaki, taiaoka, ko na aki katuaaira n ara m'akuri n nanobaba aikai.

Mareko 7:22

ao e na mataai ni kani b'aib'ai, ao e na karaoi nako baika buakaka; e na b'aina te kewe, ma te maiu ae aki kani kaetaki, ma te bakantang, ma te taekin taeka ake e na kabuakakaki iai te aomata, ma te kainikatonga; ao e na karaoi baika e na atongaki iai b'a e baba.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 8:9

Ngke a ongo aomata ana taeka Iesu, ao a oti nako n tatabemaniia, ni moa mairouia unimm'aane ni karokoa ae a bane aia koraki. E tiku Iesu n ti Ngaia, ao e tiku naba te aine arei ni nena are e tei iai.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.

1.Tamuera 13:13

Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

1.Tamuera 24:5

Ma e a manga aki rau ana iango Tawita,

1.Tamuera 24:6

ao e taku nakoia ana rorobuaka, “E na bon aki kariaia te UEA b'a N na karaoa ae e aki raoiroi nakon au toka, are bon te uea ae e rineaki! N na bon aki tiringnga, b'a bon au uea ae e rineaki iroun te UEA!”

1.Tamuera 26:21

Ao e kaeka Tauro ni kaangai, “I a tia ni karaoa ae e kaairua. An ooki Tawita, ae natiu te rorobuaka! N na bon aki manga karaoa riki ae e buakaka nakoim, b'a ko a tia n nanoangaai n te tairiki aei. I a tia n nanobaba! I a tia ni karaoi m'akuri aika a kakamaaku!”