2.Tamuera 24:1 - Te B'aib'ara

¹ Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

2.Tamuera 24:1 ပူးပေါင်းရင်းမြစ်များ

Karikani B'aai 45:5

Kam na aki nanokawaki, ke ni bukiningkami i bon iroumi i bukina ngke kam kabooai nako ikai. Bon te Atua ae kanakoai n ri moami nako ikai b'a N na kamaiuia aomata.

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

2.Tamuera 12:11

Ane e na iai mai buakoia am utu ae e na karika te kanganga ae e korakora nakoim, ao N na anaiia buum ma n anga nakon te m'aane temanna i bon i matam. Ane e na matu ma ngaiia ngke a bon matakuakinaki irouia.

2.Tamuera 16:10

Ao e kaeka Tawita ni kaangai, “Ko na aki katabea nanom iai ma tarim are Ioaba. Ngkana arona b'a e kamaraiaai Timei b'a e tuangnga te UEA, ao antai ngkami b'a kam na katokia?”

2.Uea 3:6

Ao e kiitana Taamaria te uea are Ioram n te bong teuana ao e a boota ana taanga ni buaka Iteraera.

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

1.Rongorongo 7:2

Tora bon tamaia Uti, Reb'aia, Ieriera, Iamai, Ibetam, ao Temuera, ake bon taani buaka aika a ninikoria ao bon taani kairiiri naba man aia utu n aia kaainga. Bootan m'aitiia kaain ana utu Tora bon 22,600 n te tai are e riki iai Tawita b'a te uea.

1.Rongorongo 7:40

Aikai ana kariki Atera, ao bon taani kairiiri ngaia n aia utu aika a mwiokoaki ao tautia naba ngaiia aika a ninikoria. Bootan ana tautia te baronga are Atera bon 26,000.

2.Rongorongo 32:25

Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

Te Otinako 7:3

Ma N na karaoa te uea b'a e na taningamatoa n te aro ae e na aki kan ongo. E na bon aki ongo naba ngkana I karaoi b'aai aika a kakamaaku nako ina ma ana botannaomata.

Etekiera 14:9

Ngkana e anga te rongorongo ae e kewe te burabeti, ao boni Ngai ae I karaoa te burabeti b'a e na kewe. Ma N na bon aki butim'aia ao N na kanakoa mai buakoia au aomata,

Etekiera 20:25

I anganiia taian tua ake a uota te rekenikai ao tiaki te maiu,

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Warekaia Iteraera 1:19

Ao i mwiin arei, ao a koreaki araia mm'aane ake uabwi ni waerake aia ririki ni maiu irouni Moote ma raona, n aron are E a tia ni baaireia te UEA.

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

2.I-Tetaronike 2:11

Ma ngaia ae te Atua E kanakoa m'aakan te kairua b'a e na m'am'akuri i nanoia b'a a aonga ni kakoaua te kewe;

Tani Motiki-taeka 2:14

irouia Iteraera n te aro are E a kanakoia botannaomata tabeua ni buakaniia ma ni kimoai arokaia ma aia b'ai riki tabeua. A mena kairiribai n taabo ni kabane, ao E bon kairiia te UEA b'a a na kataenikaia Iteraera n te buaka. E a kaman kauringiia Iteraera b'a E na boni karaoa te aro aei, ao ngkai a taonaki n te kaangaanga Iteraera.

Tani Motiki-taeka 2:20

Ao E un te UEA irouia Iteraera ao E taku: A tia Iteraera n urua te boraraoi are I karaoia ma aia bakatibu. A aki ongotaeka irou,

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.