2.Tamuera 23:6 - Te B'aib'ara

⁶ Ma a rebenako aomata aika a buakaka kaanga ingin kaai aika a kateketeke. A aki konaa n tauaki n te bai,

2.Tamuera 23:6 ပူးပေါင်းရင်းမြစ်များ

Karikani B'aai 3:18

A na kaona am nne n aroka taian uteute ma kaai aika a kateketeke, ao ane ko na am'am'arake man arokan te tawaana, ae aroka aika te naa n rikinibeti.

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

Ana Anene Toromon 2:2

Raou ae e tangiriko, ngkana ko kabootauaki ma ataeinaine ake tekorakina, ao bon te kiebu ngkoe i buakon kaai aika a kateketeke.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 33:12

Ko na kauraaki ni karokoa ko mannang kaanga kaai aika a kateketeke i nanon te ai.

Etekiera 2:6

Ko na aki maaku irouia ke ni b'aai akana a taekin. Ane ko na taku b'a ko a mena i nuukan aroka aika a kateketeke ke i buakon taian tikaobian. Ma ko na ninikoria

Mika 7:4

ni karokoa naba aia aomata aika a rangi n raoiroi, a riki n akea manenaia kaanga kaai aika kateketeke. E a roko te bong are E nang katuuaia iai aomata te Atua, n aron are E a bon tia n reireiniia rinanoia aia Tia Taratara aika burabeti. A bon teimatoa naba n aki ataa ae a na karaoia.

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Mataio 13:41

Ane E na kanakoia ana anera Natin te Aomata, ao a na botiia mai buakoia kaain ueana te koraki ake a riki b'a taani kab'akab'aka nakoia aomata, ao koraki ni kabane ake a kakaraoa ae buakaka;

Te Tua-Kaua 13:13

Ane kam na ongo aia taeka aomata aika akea manenaia n tuangiia aomata ni kabane b'a a na taromauriia anti riki tabeman, e ngae ngke bon akea te b'ai ae a tia ni karaoia anti aikai i bukiia.

1.Tamuera 2:12

Bon taian ibonga natin Eri ake m'aane, ma a aki ongotaeka, ao aki kakaonimaki nakon te UEA.

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”