2.Tamuera 23:4 - Te B'aib'ara

⁴ kaanga ootan taai i nanon bongin te riringa, ke kaanga te karau ae raneanea i aon te uteute.”

2.Tamuera 23:4 ပူးပေါင်းရင်းမြစ်များ

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 72:6

E bia riki te uea b'a kanga ai aron te karau ae b'aka ni kamaiu kain am'arake, ao ni kam'aim'aa aon te aba.

Taian Areru 89:36

E na aki toki n uea kaain ana utu Ao e na teimatoa ueana n ai aron otan taai i matau.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 18:4

E taku te UEA nako iu. “N na tararikaaki ma te nano ae e rau mani mwengau are i eta kaanga raun taai n te tawanou ke taian nang n te kabuebue n tain te tai.”

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 60:1

Teirake, Ierutarem! ko na oota! E a kaarangaina am bong ae e boou. E rangi n oota nako ootan mimitongin te UEA i aom.

Itaia 60:3

A na roko botannaomata nako ma uea nako nakon ootan karaangainan ami bong.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Otea 6:5

Ao bon anne bukina ngkai I tiringkami n te tai ae ti teuana n taian taeka rinanoia burabeti. Ao anne naba bukina ngkai e ura au motikitaeka kaanga taai n te ingabong.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Ioane 1:7

E roko b'a te tia kakoaua ngaia i bukin te Oota arei, b'a a aonga ni bane aomata n onimaki n ana kaotioti.

Te Tua-Kaua 32:2

N na reireiningkami Iteraera. A na riki au taeka b'a kaanga te maatim ni karau ae b'aka i aon aroka aika uarereke, ke kaanga te aoi i aon taian uteute.

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.