2.Tamuera 23:16 - Te B'aib'ara

¹⁶ Ao a raba nako naba taani Buaka ake Teniman nakon aia kaemb'a kaain Biritia ao a anaa te ran man te m'anib'a are i rarikin mataroan Betereem. Ma ngke a tia ni uota te ran nakon Tawita, e a manga rawa n nimma. Ma e a manga kab'aroa b'a te karea

2.Tamuera 23:16 ပူးပေါင်းရင်းမြစ်များ

Karikani B'aai 35:14

Ao e a katea te atibu ae te kanuringa Iakob'a ikekei n te tabo are E taetae iai te Atua nako ina, ao e katabua te atiibu arei ni kab'aroa te wain ma b'aan te oriwa i aona.

2.Tamuera 23:9

Te kauoman mai buakoia taani buaka ake teniman bon Ereata are natin Toto te m'aane are kaain Aoa. N te tai teuana ngke a buaka kaain Biritia ma Iteraera, ao a kakaewenakoia Iteraera ngaia ma Tawita b'a a na bo ma ngaiia. A biri nako tautian Iteraera mairouia kaain Biritia,

1.Rongorongo 11:18

Ao a nako Taani Buaka ake Teniman akekei ni karaba n niniia aia kaemb'a kaain Biritia ao a itiia te ran man te m'anib'a are ni mataroan te kaawa are Betereem. A uotia rikaaki nakon Tawita, ma e aki kan nimma, ao e kab'aroa te ran arei b'a te karea nakon te UEA

Te Minita 4:12

E konaa te aomata n orea temanna mai buakomi, ma e aki konaa n oroingkami ni kauoman. N aron are e taekinaki ni kaangai, “E aki konaa ni moti te roobu ae te bibiritennai.”

B'aeb'aeti 2:19

Teirake n tang ni katoa tairiki nakon te UEA; Kaotii b'aai ni kabane nakon te UEA, ao butiia b'a e na nanoangaia am ataei Ataei ake a mate ni baki i nukan te kaawa!

Warekaia Iteraera 28:7

Te kabanea, are raon karea aika uoua aikai, bon uoua te b'ainti te wain are na kab'aroaki i aon te baonikarea b'a te karea are te mooi.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

I-Rom 5:7

B'a e kangaanga ae e na mate temanna i bukin te aomata ae kakaonimaki n ira nanon te tua; ma tao e a kona ni mate i bukin te aomata ae e raoiroi.

2.I-Korinto 5:14

B'a e tautaekaniira ana tangira Kristo; ao ngkai ti kakoaua b'a E mate i bukiia aomata ni kabaneia, ao nanona b'a a bane aomata ni buokanib'ai ni matena;

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

1.Tamuera 19:5

E kariaia te ri nanon te kangaanga ngke e tiringa Koria, ao E a tia n anga te tokanikai te UEA nakon Iteraera. Ngke ko nooria, ao ko nang kim'areirei. Bukin tera ngkai ko tangiria ni kan karaoa ae buakaka nakon te aomata ae aki ataib'ai ao n tiringa Tawita n akea bukina?”

1.Tamuera 7:6

Ao a bootaki ni kabowi Iteraera i Mitib'a ao a kairaki i roun Tamuera. Ao a itiia te ran man te m'anib'a ao a kab'aroa b'a kaanga aia karea nakon te UEA. Ao ni bon te bong naba anne, ao a aki am'arake ni kaota rawawataia, ao a kaoti aia bure ma aia aki kakaonimaki nakon te UEA.