2.Tamuera 23:10 - Te B'aib'ara

¹⁰ ao bon ti nikirana Ereata. E tiringiia kaain Biritia ni karokoa ae e rangi ni matoatoa baina n taua ana kabaang. Ao e a toki ana buaka Ereata, akea riki te b'ai ae a na manga karaoia ana taanga ni buaka Iteraera b'a a na ti okirikaaki n anai aia b'ai ni buaka aia kairiribai ma kunnikaia ni buaka. E a tia te UEA n angan Iteraera te tokanikai ae e kakannato n te bong anne.

2.Tamuera 23:10 ပူးပေါင်းရင်းမြစ်များ

2.Tamuera 23:12

ma e tei Tiamma i nuukan te tawaana n tiringiia kaain Biritia. A aki mate taian aroka, ao E anga te tokanikai ae e korakora te UEA nakoia Iteraera.

2.Uea 5:1

Bon te mataniwi n te taanga ni buaka mai Turia te aomata ae Naaman. E a tia ni buokaki ma ana taanga ni buaka iroun te Atua ni katokanikaiaki i aoia aia kairiribai. Ma ngaia are, e rangi n onimakinaki Naaman iroun te uea. Bon te tia buaka ae e ninikoria Naaman, ma e reke i rouna te aoraki ae te reebera.

1.Rongorongo 11:13

I nanon tain buakanakiia kaain Biritia i Bati Tammim, a bane ni birinako tautian Iteraera,

Taian Areru 108:13

Ngkana raora te Atua ao ti na tokanikai; Boni Ngaia ae na kataea aia kai aiara.

Taian Areru 144:10

Ko anganiia uea aia tokanikai ao Ko kamaiua Tawita are am toro.

Taian Areru 68:12

A biri nako uea ma aia taanga ni buaka! A tib'atib'aaki aia b'aai ake a reke i mwiia irouia aine ni mwengaia; ao aikai baikanne:

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

Iotua 10:10

E kabuai aia iango taian Amoraite te UEA, ao a roko aia taanga ni buaka Iteraera n tiringiia man te angaatai ke te angamaing. Ao a kakioia nako aia taanga ni buaka taian Amoraite nakon te kawai are i Beta-oron man tiringiia ni karokoa a roko ni kaawa ake i Ateka, ao Maketa.

Iotua 10:42

E buakan ma n taui kaawa aikai Iotua ni m'anangana ae ti teuana, kioina ngke E raonna te UEA ae Atuaia Iteraera ni buaka i bukiia.

Iotua 11:8

Ao e anga te tokanikai te UEA nakoia Iteraera, ao a buakaniia aia kairiribai ma ni kakioia nako iaang ni karokoa Metirebotamaim, ma Titon, ao ni waerake naba ni karokoa m'aruan Mitibe. E bon waaki nako te buaka ni karokoa a bane raoi ni mate aia kairiribai.

Tani Motiki-taeka 15:14

Ao a kabaea ni uaai taian roobu aika a rangi ni boou, ao a uotia nako man B'an Etam.

Tani Motiki-taeka 15:18

Ao e rangi n taka Tamton ao e tataro, Ara UEA, Ko buokai ni katokanikaiai n te buaka i aon te taanga ni buaka ae b'anin. Ao I butiiko b'a Ko na aki tiringai n te taka n te tai aei. B'a ae a na uotaanako rab'atau kaain Biritia aika buakaka aikai.

1.Tamuera 11:13

Ao e taku Tauro nako ia, “Tiaki ngaia anne! E kamaiuia Iteraera te UEA n te bong aei, ma ngaia are, akea ae na tiringaki.”

1.Tamuera 14:23

Ma ngaia are, E buoka Iteraera te Atua ni katokanikaia n te bong arei. E a tia n tuangiia mai m'aaina ana tautia Tauro ni kaangai, “N na kabooa mwiin aia m'akuri kaain Biritia i m'ain bungin taai, ma ngaia are, akea ae na am'arake i m'aain bungintaai. Ao ane am'arake i m'aain bungintaai ao e na maraia!” Ma ngaia are, e tuangiia b'a a na berita ke n tuea b'a a na aki am'arake. Ao n te tai anne, e a tia n ri rarikin te kaawa are Beta-Awen te buaka, ao a rootaki n te baki ae korakora ana taanga ni buaka Iteraera.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 17:53

Ao ngke a oki Iteraera man kakioakiia kaain Biritia, ao a anai b'aai ake a tangiri man aia kaemb'a aia kairiribai.

1.Tamuera 19:5

E kariaia te ri nanon te kangaanga ngke e tiringa Koria, ao E a tia n anga te tokanikai te UEA nakon Iteraera. Ngke ko nooria, ao ko nang kim'areirei. Bukin tera ngkai ko tangiria ni kan karaoa ae buakaka nakon te aomata ae aki ataib'ai ao n tiringa Tawita n akea bukina?”