2.Tamuera 22:48 - Te B'aib'ara

⁴⁸ Ko ira taangau, ao ko kaaki botannaomata nako i aani m'aakau.

2.Tamuera 22:48 ပူးပေါင်းရင်းမြစ်များ

2.Tamuera 18:19

Ao e taku Aimaati are natin Tatoka te m'aane, “Ioaba, kariaia b'a N na biri nako n tuanga te Uea are Tawita b'a E a tia te UEA ni kamaiua mairouia ana kairiribai.”

2.Tamuera 18:31

Ao e roko kaain Itiobia ao e taku. Te uea ae ko karineaki, I uota te rongorongo ae e raoiroi n te bong aei! E a tia te UEA ni kamaiuko mairouia am kairiribai ni kabane!”

2.Tamuera 4:8

Ao n tokina a manga rairaki ni wairio nako Eberon. A tangiria n noora Tawita n taetae ni kaangai, “Teuae ko karineaki, aio atuun Itiboteta, are natin am kairiribai are Tauro are e kataia n tiringko! E a tia te UEA ni kaboraoiko ma Tauro ma ana utu.”

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 144:2

Boni Ngaia te tia kamanoai ao otangau, nneu ni katantan ao te tia kamaiuai, ae I onimakinna b'a I raba raoi i rouna. E kakiia botannaomata i aani m'akau.

Taian Areru 94:1

Te UEA, ae te Atua ae am B'ai te kareke kai; Ko na kaota unim!

1.I-Korinto 15:25

B'a E riai n uea Kristo ni karokoa te tai are E kabaneia iai ni kakiia ana kairiribai i aani waena.

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

1.Tamuera 24:12

Ke e motikitaekara te UEA b'a antai ae e bure mairoura! Ke E katuaaeko i bukin arom nako iu, b'a N na bon aki karaoa te b'ai teuana nakoim.

1.Tamuera 25:30

Ao ngkana E tia te UEA ni karaoi baika a raraoi aikai ni kabane n aron are E berita iai nakoim ngkoe ae uean Iteraera,

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.