2.Tamuera 22:4 - Te B'aib'ara

⁴ I neboiko, au UEA! I tataro nakoim, ao Ko kamaiuai mairouia au kairiribai nako.

2.Tamuera 22:4 ပူးပေါင်းရင်းမြစ်များ

2.Rongorongo 20:22

Ao ni bon te tai naba are a moana iai aneneia, ao te UEA, e a kamangaongaoiia kaain aia kaemb'a aia kairiribai.

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Taian Areru 106:2

Ai antai ae kona n tataekina taekan ana m'akuri te UEA aika ab'ab'aki? Ao ai antai ae kona ni kaota karaoiroana ni kabanea?

Taian Areru 116:13

N na uota te wain b'a au karea nakon te UEA, ni katituaraoia i bukini kamaiuakiu i rouna.

Taian Areru 116:17

N na anganiko te karea ae kaotan au katituaraoi nakoim, Ao N na tataro nakoim.

Taian Areru 116:2

Ngkai ko ongo b'anaau, ao N na aki toki ni weteiko ngkai i teimatoa ni maiu.

Taian Areru 116:4

Ma ngaia are I wetea te UEA, “I butiko, te UEA, kamaiuai!”

Taian Areru 18:3

I wetea te UEA, ae ana b'ai te neboaki, b'a E kamaiuai mairouia taan ribaai.

Taian Areru 34:6

E weteia te aomata ae kainano, Ao E ongo i rouna; E kamaiua man rawawatana ni bane.

Taian Areru 48:1

E kakannato te UEA, ao E na bati ni karaoiroaki n ana kaawa are maeka iai, i aon ana Maunga are tabu.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 55:16

Ma I wetea te UEA ae te Atua, ao E na buokai, ao E na bon kamaiuai

Taian Areru 56:9

N te bong ae I weteiko iai, ao a na oki nako taan ribaai. N rikin aio ao I ataia iai b'a te tia buokai te Atua,

Taian Areru 66:2

Kam na anenea taekan arona ae kamimii; aika E na karineaki riki iai arana!

Taian Areru 96:4

B'a E kakannato te UEA, ao E riai n rangi ni kamoamoaki; E na makaki riki nakoia anti ni kabaneia.

I-Rom 10:13

b'a ane taboa aran te UEA ao e na kamaiuaki.

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 5:12

ao a kaangai n te b'anaa ae korakora, “E riai te Tiibuteteei are kamateaki n anganaki te m'aaka, ma te kaub'ai, ma te rabakau, ma te korakora, ma te karineaki, ma te neboaki, ma te karaoiroaki!”