2.Tamuera 22:31 - Te B'aib'ara

³¹ A tamaroa kawaim, te UEA ao a eti raoi am taeka. Bon te otanga Ngkoe nakoia aika a biri nakoim ni kakaaea buokaia.

2.Tamuera 22:31 ပူးပေါင်းရင်းမြစ်များ

2.Tamuera 22:3

Bon te b'a Ngkoe ae kamaiuau. Bon otangau Ngkoe, au b'ai ni buaka ae e korakora, au tabo ni katantan. Ko kamaiuai ao Ko kaawakinai b'a N na aki ikoaki.

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Iobi 34:10

Ongora i Rou ngkami aika taani wanawana! E koaua b'a E kona ni karaoa te b'ai ae kaairua te Atua ae m'aaka?

Taian Areru 119:140

Te oi ni b'ai ni koaua am Taeka; I tangiria, ngai ae am Toro.

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Taian Areru 145:17

E raoiroi te UEA ni baika E karaoi, ao E nanoanga n arona ni kabane.

Taian Areru 18:30

Te Atua aio, moan te raoiroi arona; A onimakinaki ana taeka! Ai aron te otanga nakoia ake a kataniia i rouna.

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Taian Areru 35:2

Anaa te otanga ae ab'ab'aki ma ae karako, ao nako mai buokai.

Taian Areru 84:9

Te Atua, Ko na kakab'aia ara uea, are Ko a tia n rineia.

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Taeka n Rabakau 30:5

A bane ni koaua b'aai ni kabane aika e taekin te Atua ao bon te otanga i bukiia aomata nako aika a roko nakoina i bukin kamanoaia.

Te Minita 3:14

A na bane n akea tokini b'aai ni kabane aika e karaoi te Atua, akea te b'ai ae E karaoia ae e na manga bitaki. E a tia ni karaoi b'aai aikai ni kabane te Atua, b'a ti aonga n taromauriia.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Mataio 5:48

Ma ngaia ae kam na moanibaan te raoiroi, n ai aron Tamami are i karawa ngkai moanibaan te raoiroi.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!