2.Tamuera 22:29 - Te B'aib'ara

²⁹ Te UEA ae te Atua, bon au taura Ngkoe. Ko onika te rootongitong nakon te oota.

2.Tamuera 22:29 ပူးပေါင်းရင်းမြစ်များ

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

1.Uea 11:36

ma e na teimatoa natin Toromon te m'aane n tautaekana teuana te baronga. Ao e na teimatoa iai ana kariki Tawita are au tia m'akuri n tautaeka i Ierutarem, te kaawa are I tia n rineia b'a te tabo are N na taromauriakaki iai.

Iobi 29:3

Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 18:28

Te UEA ae Atuau, anganai te oota; Kaota te roo ae I mena iai.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 4:6

A bati aika a tataro ni kaangai, “Kakab'aiaira te UEA. Ao kaota raoi ootan am Atataiaomata i aora!”

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Ioane 12:46

I roko b'a te oota i aonnaba, b'a e na aki mena n te roo ane onimakinai.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.