2.Tamuera 22:28 - Te B'aib'ara

²⁸ Ko kamaiuia aika a nimaamannei, ma Ko iaiangoa kab'akaan te aomata ae e kainikatonga.

2.Tamuera 22:28 ပူးပေါင်းရင်းမြစ်များ

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 131:1

Te UEA, I a tia ni kaaki kainikatongau, ao I toki man arou ni kamoamoa. I aki katabeai ma taekani baika kakannato ke baika kamimii nako iu.

Taian Areru 138:6

Ko boni ngae ni mena i eta ike rietaata, ma Ko bon tabeakiniia naba akana nanorinano, Ao a aki kona n raba mairoum akana kainikatonga.

Taian Areru 140:12

Ara UEA, I ataiko b'a Ko ko tei i bukiia aika akea mwengaia ao ko taraa te motiraoi nakoia aika a maiu ni kainano.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Taeka n Rabakau 21:4

A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Itaia 5:15

A tia ni kab'akaaki kaaina, ao a tia ni kamaamaaeaki aomatana ake a kamoamoa.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Mataio 5:3

A a kab'aia akana nanorinano, b'a aia b'ai Uean te Atua.

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.