2.Tamuera 22:21 - Te B'aib'ara

²¹ Ko karaoa ae e raoiroi nako iu, te UEA i bukina ngke I karaoa ae raoiroi, Ko anganai kaniwangau i bukina ngke bon akea au bure.

2.Tamuera 22:21 ပူးပေါင်းရင်းမြစ်များ

2.Tamuera 22:25

Ko a tia ni karaoa ae e raoiroi nako iu i bukina ngke I karaoa te raoiroi; Ko anganai kaniwangau i bukina ngke akea au bure ni kaineti ma Am kainibaaire nako.

1.Uea 3:6

Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

1.Uea 8:32

Ko na ongora mai karawa ao karaoa am babaaire i aoia b'a antai ae e bure. Ao Ko na katuaaea te tia bure ao ni kainaomata teuare akea ana bure.

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taian Areru 19:11

A karekea te atatai nako iu, ngai ae am Toro; ao e reke kab'aiau n iran nanoia.

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 7:8

Te UEA, motikitaekaia botannaomata! Motika taekau, ao kaotai nakoia te koraki ae I b'aab'aina te koaua, ao I aki ataia b'a I bure ke I aki.

Taeka n Rabakau 11:31

Ngkana a anganaki kaniwangaia aomata aika a raoiroi i aon te aonnaba aei, ao a na bon katuaaeaki aomata ni kabane aika a iowawa man teinibaba.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Tamuera 26:23

E na anga te kaniwanga te UEA nakoia aika a kakaonimaki ma ni karaoa ae e raoiroi. E nang kaaki taekam i nanoni baiu te UEA, ma I aki karaoa ae e buakaka nakoim, ngkoe ae ko rineaki b'a ko na uea iroun te UEA.