2.Tamuera 22:1 - Te B'aib'ara

¹ Ao e anene Tawita nakon te UEA i mwiin kamaiuana mairouia ana kairiribai, ai moara ra riki Tauro. Aikai taekan ana anene:

2.Tamuera 22:1 ပူးပေါင်းရင်းမြစ်များ

2.Tamuera 12:7

Ao e taku Natan nakon Tawita: Boni ngkoe te aomata ae e kaub'ai! Ko na ongora ngkai nakon te b'ai ae E taekinna te UEA ae te Atua i bukim: “I rineiko b'a uean Iteraera. I kaawakiniko mairoun Tauro

2.Tamuera 22:49

Ko kaawakinai man aia tiritiri au kairiribai, ao Ko karaoai b'a N na korakora riki nakoia ni kabane.

1.Rongorongo 16:7

N te bong naba anne, ao bon ana moan tai Tawita n reireina Ataba ma kanoan Rewi ake tekorakina anenean taian anene n nebo aikai nakon te UEA:

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Te Otinako 15:1

Ao a anenea te anene aei Moote ma Iteraera nakon te UEA: “N anene nakon te UEA i bukina ngke E a tia n reke i Rouna te tokanikai ae kakannato; E a tia n karenakoia taian aoti ma taan toka i aoia nako nanon taari.

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

Te Tua-Kaua 31:30

Ao Moote e tewea te boowi irouia Iteraera ni kabane, b'a e aonga ni kona n reireiniia taekan te anene are E a tia n anganna te UEA. Ao aikai taekana:

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

Tani Motiki-taeka 5:1

Ao e a toki te buaka n te bong arei, ao a anenea te anene aei Nei Tebora ma B'araka:

1.Tamuera 23:14

Ao e tiku ni karabaa Tawita n aaba ake a tabukibuki, n te rereua are i rarikin Tiba. Ao e a m'aiti te tai ae e kuri n reke iai iroun Tauro, ma E aki anga Tawita te UEA nakon Tauro.

1.Tamuera 24:15

E na motikitaeka te UEA, ao e na kakaaea b'a antai mairoura ae e bure, Tera ngke e bon taraa te b'ai ae e riki, E na tei ibuku, ao E na kamaiuai mairoum.”

1.Tamuera 25:29

Ngkana iai ae e na buakaniko ao ni kataia n tiringko, ao E na kaawakiniko te Atua b'a ko na mano raoi, kaanga te aomata ae e kakaawakina te kaub'ai ae e kakaawaki. E na karenakoia am kairiribai nako te UEAkaanga te aomata ae e karenakoa te atiibu n te bana.

1.Tamuera 26:24

Tera ngke E karaoa ae aron aei nako iu te UEA ma ni kainaomataai man taiani kangaanga ni kabane n aron ae I a tia ni karaoia nakon maium n te bong aei!

1.Tamuera 27:1

E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”