2.Tamuera 21:7 - Te B'aib'ara

⁷ E a tia ni karaoa ana berita Tawita nakon Ionatan ao te UEA te tia kakoaua, ma ngaia are, e nanoangaa natin Ionatan are Mebiboteta, tibun Tauro te m'aane.

2.Tamuera 21:7 ပူးပေါင်းရင်းမြစ်များ

2.Tamuera 16:4

Ao e tuangnga Tawita ni kaangai, “A riki ngkai b'aai ni kabane ake e b'ain Mebiboteta b'a am b'ai.” Ao e taku Tiba, “Te Uea ae ko karineaki, bon am tia m'akuri ngai ae I mangori, ao au kaantaninga b'a N na bon kakukureiko.”

2.Tamuera 19:25

E roko Mebiboteta n noora Tawita i mwiin okiia nako Ierutarem, ao e titirakinna Tawita ni kaangai, “E aera ngkai ko aki irai?”

2.Tamuera 4:4

Temanna man ana baronga Tauro, bon natin Ionatan ae arana Mebiboteta, ae ai tib'a nimaua ana ririki ni maiu ngke a tiringaki Tauro ma Ionatan. Ngke roko rongorongon mateia uakai man te kaawa are Ietireera, ao e roko ana tia tob'a n anaia mani birinako ma ngaia; ma E nang katawe ana tia tob'a aio n te aro are e b'aka teteei aei, ao n riki b'a te m'auku.

2.Tamuera 9:1

N te bong teuana, e iango Tawita ao e taku, “N na rangini miimi ngkana iai ana utu Tauro aika teimatoa ni maiu. Ngkana iai, ao N na bon kaota akoaia, b'a I a tia ni karaoa au berita nakon Ionatan.”

2.Tamuera 9:10

Ko na m'akuri ngkoe ma natim m'aane ake tengaun ma niiman i bukin Mebiboteta. Kam na unika te aba ma n uoti uaana nakoina, b'a a aonga n reke kanaia ana utu ma ana taani m'akuri Tauro. Ma e na am'aam'arake Mebiboteta ma ngai n au taibora.”

2.Tamuera 9:6

Arana bon Mebiboteta, ao bon tibun Tauro te m'aane. E roko iroun Tawita ao e boobaraaki. Ao e titirakinna Tawita ni kaangai, “Bon Mebiboteta ngkoe?” Ao e taku, “Eng, teuae ko karineaki.”

2.Tamuera 9:7

Ao e taku Tawita, “Ko na aki maaku. N na akoiko b'a ngaia tamam Ionatan. N na anganiko te aba are ana b'ai tibum are Tauro. Ao i rarikin anne, ko na am'aam'arake i rarikiu n au taibora.”

Te Minita 8:2

Ngkana ko berita nakon te Atua b'a ko na kakaonimaki nakon te uea, ao I tuangko b'a ko na riai ni kakoroa raoi nanon am berita.

1.Tamuera 18:3

Ao e rangi n tangira Tawita Ionatan n te aro are e berita b'a e na riki b'a raoraona n taai nako.

1.Tamuera 20:12

ao e taku Ionatan nakon Tawita, “E na riki te UEA ae te Atua b'a ara tia kakoaua! Nakon te ingabong n taina naba aei, N na titirakina tamau ana iango i bukim. Ngkana arona b'a e tamaroa, n na kanakoa te taeka nakoim.

1.Tamuera 20:15

ko na kaota naba am kakaonimaki anne nakoia au utu n aki toki. Ao ngkana E bane ana m'akuri te Atua ni kamaunaiia ni kabane am kairiribai,

1.Tamuera 20:17

Ao e a manga kaberitaa riki Tawita Ionatan b'a e na tangiria, i bukina ngke e rangi n tangira Tawita Ionatan n aron tangirana i bon i rouna.

1.Tamuera 20:42

Ao i mwiina, e taku Ionatan nakon Tawita, “E na raoraoniko te Atua. E na bon kakoroa raoi nanon au berita ma ngkoe te UEA, ao i marenaia naba am kariki ma au kariki n aki toki.” Ao i mwiina, e nako Tawita ao e oki Ionatan nakon te kaawa.

1.Tamuera 20:8

I butiiko b'a ko na karaoa aei ibuku, ao kamatoa ara berita are ko karaoia ngkoa nako iu. Ma ngkana arona b'a I bure iai, ao ko na tiringai boni ngkoe! E aera ngkai ko na kairai nakon tamam b'a e na tiringai?”

1.Tamuera 23:18

Ao a kaai ni karaoa aia berita n iraorao imarenaia ni kauoman, E tiku Tawita i Oreti, ao e okira mwengana Ionatan.

1.Tamuera 24:22

Ao e berita Tawita b'a e na karaoa arei. Ao i mwiina, e a nako Tauro n okira mwengana ao a manga oki nako Tawita ma ana rorobuaka nakon nneia ni karaba.