2.Tamuera 21:3 - Te B'aib'ara

³ Ao e taku, “Tera ngkai te b'ai ae N na karaoia ni karaoa mwiin ana m'akuri Tauro, b'a kam aonga ni butiia te UEA b'a E na akoia riki ana aomata?”

2.Tamuera 21:3 ပူးပေါင်းရင်းမြစ်များ

2.Tamuera 20:19

Bon Iteraera ngaira, ao ti tangira te rau! Ti rangi ni kakaonimaki ni b'aai nako. Ao e aera ngkai ko tangiria n urua te kaawa ae ti te bo ma te tina nakon Iteraera? E aera ngkai ko tangiria ni kamaunaiia Ana aomata te UEA?”

Te Otinako 32:30

N te bong are i mwiina, e tuangiia aomata Moote ni kaangai, “Kam a tia ni karaoa te bure ae moan te kakamaaku. Ma N na nako ni kawara te UEA ni kakaaea te anga ae na konaa ni kab'araaki ami bure iai mai i roumi.”

Nakoaia Ibonga 1:4

E riai ni katokaa baina te aomata anne i aon atuun ana karea, ao e na butim'aea te karea anne te UEA, b'a te karea ni kab'arabure.

Iona 1:11

Ao e rikirake korakoran buakan marawa. A taku kaimoa nakoina, “Tera ae ti na karaoia ngkai nakoim b'a e aonga n toki te buaka?”

Ebera 9:22

Ao n aron taekan te Tua, a kuri ni bane b'aai ni kaitiakaki n te raraa; ao ngkana akea katutuan te raraa, ao akea naba kab'arani buure.

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.