2.Tamuera 21:14 - Te B'aib'ara

¹⁴ Ao i mwiina, e anga ana taeka i bukin riia m'aane ake a tia ni kabaeaki roroaia b'a a na taunaki naba ikekei. Ao e karaoaki nanon arei, ao E kaekai taian tataro te Atua ni kakab'aia te aba.

2.Tamuera 21:14 ပူးပေါင်းရင်းမြစ်များ

2.Tamuera 21:13

E anai riia Tawita nakon aban Beniamin ao e taun n ruun rarikin ruanimateia ana utu Tauro.

2.Tamuera 24:25

Ao i mwiina, e karaoa te baonikarea i bukin te UEA. E karean taian man ao e kabuoki i aon te baonikarea. Ao E kaekaa aia tataro aomata te UEA, ao akea riki ae e manga mate man te aoraki are e kakamaaku arei.

2.Tamuera 3:32

E taunaki Abenera i Eberon, ao e tei Tawita ma aomata nako ietan ruana ao a tang n takaarua.

2.Tamuera 4:12

Ao i mwiin arei, e taku Tawita nakoia ana taanga ni buaka, “Tiringiia taari aika uoman aikai! Koroi baiia ma waeia ni kanakoi ao katinei rab'ataia i rarikin nein Eberon. Ma kam na tauna rab'atan Itiboteta n ana ruanimate Abenera i rarikin Eberon.” Ao a karaoa arei.

Iona 1:15

Ao a ana Iona ao a tewea nako marawa, ao e a karina naba n raoi.

Tekaria 6:8

ao e manga takaarua nako iu ni kaangai, “A na karaoa te b'ai ae e tangiria Tamnein te UEA koraki ake a tia n nako nakon te aba are i meaang.

Warekaia Iteraera 25:13

I berita b'a e teimatoa n riki b'a Au ibonga Bineati ma kanoana i bukina ngke e kaota te kakaonimaki nako Iu Bineati.”

Warekaia Iteraera 25:8

ao e taonrimwiia teuarei nakon te auti n rianna, ike e a ewara naba iai te mm'aane arei ma biroton neirei n te tai ae ti teuana. Ao E waekoa n toki unin te UEA n tiringaia aomata n te aoraki are kamamate arei,

Iotua 18:28

Tera, Ereba, I-Iebuti (ke Ierutarem), Kibeata, ao Kiriata-iearim. Bon tebwi ma aua bootan kaawa aikai, ao bon iai naba kaawa aika a uarereke i rarikiia. Ao ai anne ngkanne te aba are a anganaki utuun te baronga are Beniamin b'a abaia i roun Iotua.

Iotua 7:26

Ao a katabukirakei atiibu i aona, ao bon akekei naba atiibu ni karokoa boong aikai. Ao bon anne bukina ngkai e aranaki te tabo arei b'a M'aruan te kaangaanga. Ao e a toki unin te UEA i rouia aomatan Iteraera ngke e a mate Akan.

1.Tamuera 10:2

Ngkana kam kiitanai n te bong aei, ao ane kam na kaaitibo ma m'aane aika uoman i rarikin ruanimaten Rakera i Tereta i abaia kaain te baronga are Beniamin. Ane a na kaangai nako imi, “E a tia n reke te aati are kam kakaaea. E a m'aninga taekana tamam, ma e a manga raraomaeakiningkami! E a manga tabe n iangoa aron rekemi.”