2.Tamuera 21:10 - Te B'aib'ara

¹⁰ E taakin taian kunnikai aika a mangaingai i aon te b'aa ake i rarikina. E aki tangiria mannikiba b'a a na tikubara i aoia ma i nanon te ngaina, ao e kakionakoia maan aika a aki manana n te tairiki. E tiku ikekei mani moan rokon tain te tai ni karokoa e a tabe ni kakarau.

2.Tamuera 21:10 ပူးပေါင်းရင်းမြစ်များ

Karikani B'aai 40:19

Ai ti tenibong mangkai, ao e na kab'arako te uea--ao ane e na korea roroam te uea, ao i mwiina e na katinetinea rab'atam i aon te boua, ao ane a na kana rab'atam taian mannikiba.”

2.Tamuera 21:11

A tiringa Tauro kaain Biritia ngkoa ma natina are Ionatan n te Maunga are Kireboa ao a kabaei roroaia i nuukan te kaawa are Beta Tian.

2.Tamuera 3:7

E a bon matu naba ma buun Tauro temanna are Nei Ritiba are natin Aiia. Ma e taku Itiboteta are natin Tauro nakon Abenera, “Ko riai n aki matu ma buun tamau temanna!”

1.Uea 21:27

Ao ngke e ongo aei Aaba, ao e raeuaaka ana kunnikai ao e karin i aona taiani baeki aika a mangaingai ni bong ao ni ngaina. E rawawata nanona ao e aki am'arake.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Etekiera 39:4

ao ko na kaai ni mate ma koraki akana i aon taiani maunga. Ao mannikiba ma maan aika a aki manana a na roko ni kang

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Ioera 1:18

A tiotio nako ara nanai ni kao n aki akaaka, ma n tangitang b'a akea te uteute, ao a kainano naba taian tiibu.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Tekaria 10:1

Boni Ngai ae te UEA are I kanakoi nangin te buaka ao maatim ni karau b'a a aonga ni kariki uaa taian tawaana. Ma ngaia are, ngkana a kainanoa te karau taian uita kam na riai n tataro nako iu.

Te Tua-Kaua 11:14

ao E na karokoa te karau ni bon tain te karau, ma ngaia are, a na reke kanami, ma ami wain, ao b'aan te oriwa aika m'aiti, ao a na m'aiti naba taiani uteute i bukiia ami nanai ni man.

Te Tua-Kaua 21:22

Ngkana e tiringaki te tia bure, ma ni katinea rab'atana i aon te aroka,

Te Tua-Kaua 21:23

ma kam na aki katuka rab'atana ikanne ni karokoa te moaningabong. Kam na taunna naba n te bong anne, b'a rimwi ao e na kamaraia aon te aba ni kabane te UEA i bukin te rab'ata ae mate. E anganingkami te aba aei te UEA b'a abami, ma ngaia are, kam na aki kam'araea aon te aba ni katuka rab'atan te tia bure i aon te aroka.

1.Tamuera 17:44

ao e takaarua ni kaangai, “Nakomai! Ngkana I tia n tiringko, ao I a anganiia mannikiba ma mannikaakang rab'atam b'a kanaia!”

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.