2.Tamuera 21:1 - Te B'aib'ara

¹ Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

2.Tamuera 21:1 ပူးပေါင်းရင်းမြစ်များ

Karikani B'aai 12:10

Ma e bon taonaki Kanaan n te rongo n te tai anne, ao e bon rangi ni korakora ma ngaia are, e a manga m'ananga Aberam nakoaiaki riki nako Aikubita, ni maeka tabeua te tai ikekei.

Karikani B'aai 26:1

Ao manga iai riki te rongo teuana n te aba naba arei i mwiin are riki n ana tai Aberaam. Ao e nako Itaaka ni kawara Abimereka are uean Biritia, are i Kera.

Karikani B'aai 41:57

Ao a roko aomata nako man te aonnaba ni kabutaa nako Aikubita ni kabooa te uita mairoun Ioteb'a, b'a e a rangi korakora te rongo n taabo nako.

Karikani B'aai 42:5

Ao a m'ananga natin Iakob'a ma raoia tabeman ni kabo uita i Aikubita, i bukina b'a e a rangi ni korakora te rongo i aon Kanaan.

Karikani B'aai 43:1

Ao e a rangi ni korakora te rongo i aon Kanaan,

2.Tamuera 16:8

ane e na kabooa mwiin te b'ai are ko a tia ni karaoia te UEA i bukin tiringakiia ana utu Tauro aika a m'aiti. Ko iraea abanueana, ao ngkai e a tia te UEA n angan natim te m'aane are Abetarom. Ao bon anne ngkai ko a reke n te kangaanga ae e korakora!”

2.Tamuera 20:26

Ao ana ibonga Tawita bon Ira are natin Iaira.

2.Tamuera 21:5

Ao a kaeka ni kaangai, “E kataia Tauro n tiringiia ara aomata ni kabane, b'a e aonga n akea temanna ae e na tiku n te aba ae Iteraera.

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

2.Tamuera 5:19

Ao e titirakina te UEA Tawita ni kaangai, “N na buakaniia kaain Biritia ke N na aki? Ko na katokanikaiai ke ko na aki? Ao E tuanga Tawita te UEA ni kaangai, “Buaka! N na katokanikaiko.”

2.Tamuera 5:23

E titirakina te UEA Tawita b'a tera ae e na karaoia, ao e kaeka te UEA ni kaangai: Ko na aki buakaniia mai mataia. Naako katobibia mai akuiia ao buakaniia mai buakon taian aroka ake marubere.

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 18:2

Ao E taku te UEA nakon Eria, “Naako kawara te uea are Aaba b'a N nang kab'aka te karau n te tai ae e aki maan.” Ma ngaia are, e a nako Eria ni kawara Aaba.

2.Uea 6:25

Ao a reitanako buakanakina ni karokoa ae e a bon akea te am'arake i nanon te kaawa are e buubura arei. I bukin akean te am'arake, ao e a kabooaki atuun te aati n teuana te kirokuraem te tirewa, ao teuana te boora ae uarereke nakotarin te bitin n nimaua te m'akoro n tirewa.

2.Uea 8:1

Ao Eritai e tuanga neiere e kamaiuaki natina te m'aane ngkoa i rouna ao e taku, “E a tia n anga ana kauring te UEA b'a ae e na akea te am'arake ikai i nanon itiua te ririki. Ko na kairiia am utu nakon te tabo teuana, ao tiiku iai tabeua te tai.”

Iobi 10:2

Ko na tai kabuakakaai te Atua. Tuangai b'a tera tuuau?

Taian Areru 27:8

E tuangai nanou b'a N na tataro. E ingainga nanou ni kan nora matam,

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Iotua 7:1

E a tia n tuatua te UEA b'a akea ae na anai b'aai i Ieriko ake a na kamaunaaki ma aki kan ongotaeka. Temanna te aomata ae arana Akan ae e aki kan ongo te kaetieti, ma ngaia are E a un te UEA nakoia aomatan Iteraera. (Akan bon natin Karemi, ao tibun Taberi ao tibutorun Tera, kaain te baronga are Iuta.)

Iotua 9:20

Ti na aki tiringiia b'a ti a tia ni berita, b'a ngkana ti urua ara berita ao E na karekei kaira te UEA.

Ruuta 1:1

E roko te rongo i aon Iteraera ni bong ake ngkoa, i m'ain reken ueana. Ma ngaia are, e m'ananga te m'aane ae arana Erimereka ae kaain te baronga ae Eberata i Betereem i Iuta,

1.Tamuera 10:22

Ao a tataro aomata ni kaangai, “Ara UEA, e mena ikai Tauro ke e aki?” Ao E taku te UEA, “Eng, ane e karaba i buakon b'aai.”

1.Tamuera 23:11

A na konaa kaain Keira n anga ngai nakon Tauro? E na bon roko Tauro n aron ae I a tia n ongo? Te UEA ae Atuaia Iteraera, I butiiko b'a ko na kaekaai!” Ao E kaeka te UEA ni kaangai, “E na roko Tauro.”

1.Tamuera 23:2

Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”

1.Tamuera 23:4

Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”