2.Tamuera 20:9 - Te B'aib'ara

⁹ Ao e taku Ioaba, “Tamau ae Amata, ko uara ngkai?” Ao e taui buain Amata teuare Ioaba ni baina are te angaatai, b'a e aonga ni konaa ni kiitinna.

2.Tamuera 20:9 ပူးပေါင်းရင်းမြစ်များ

2.Tamuera 15:5

Ma ngaia are, a bane ni bobaraaki aomata ni kabane ake a roko ni kawara Abetarom, ao ngaia, e kanakoa baina n rab'atiia ao ni kiiti ma ngaiia.

2.Tamuera 17:25

E katokaa Amata Abetarom b'a onean mwiin Ioaba are te kam'anta n te taanga ni buaka. Taman Amata bon Itera are man ana utu Itimaera, ao tinana bon Nei Abikaira, are natin Naati te aine, are tarin tinan Ioaba are Nei Teruia.

2.Tamuera 18:29

Ao e titiraki Tawita ni kaangai, “Ao e uara natiu are Abetarom?” Ao e taku Aimaati, “Ngke e kanakoai Ioaba ma am tia m'akuri, I nooriia aomata aika a kakarongoa. Ma I aki ataia b'a tera te b'ai arei.”

2.Tamuera 3:27

Ao ngke e roko Abenera i Eberon, ao e a bakaaea te kan maroroo teuare Ioaba ma ngaia ni karaba. Ma ngaia are, e kaira Abenera nakon te ru teuana ae e uarereke ake bon m'akoron naba mataroan te kaawa ao e ewara birotona. E tiringnga Ioaba i bukina ngke e a tia Abenera n tiringa tarina are Ataera.

1.Uea 2:32

E tiringiia m'aane aika akea aia bure n te aro ae e aki ataaki iroun tamau. A raoiroi riki m'aane aikai nakon Ioaba.

Taian Areru 55:21

A maranran riki ana taeka nakon te kuriim Ma e raba te riribai i nanona; A maraurau riki ana taeka nakoni marauraun te oera, Ma a korokoro n ai aroni kabaang aika kakang wiia.

Taeka n Rabakau 26:23

Karabaan iango ni kairiribai i akuun taeka aika a raraoi te taetae bon ai aron ae ko rabuna aon te b'aata n te tano ni mannangin te tirewa.

Taeka n Rabakau 27:6

Ko konaa n onimakina raoraom ae e kaetiko, ma taian inga mairouia kairiribai bon akea b'a ti taiani kewe.

Ieremia 41:2

Ao i nanon tain te am'arake, ao Itimaera ma ana tautia a tiringa Ketaria are e rineaki i roun uean B'aburon b'a e na tautaeka i aon Iuta.

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Tani Motiki-taeka 3:15

Ao a bubutiia te UEA Iteraera buokaia, ao te UEA e rinea Euta man te baronga are Beniamin b'a e na kamaiuia. A rinea Euta b'a te tia rikoa te roonrab'ata nakon te uea are Ekeron, ma i m'aain nakon Euta, ao e karaoa te kabaang ae uaitera wiina. Bon te aomata ae maing Euta, ma ngaia are, e kabaea ana kabaang i babatina are te angaatai, ni karaba i aan niiniirana.