2.Tamuera 20:6 - Te B'aib'ara

⁶ Ao e taku Tawita nakon Amata, “E na bon rangi ni kamarakiira riki Tieba nakon Abetarom, Anaiia au tautia aika a bane aroia ao naako ri mwiina. Ti aki tangiria b'a e na tam'arakea oon te kaawa ma ni biri nako mairoura.”

2.Tamuera 20:6 ပူးပေါင်းရင်းမြစ်များ

2.Tamuera 10:14

Ao ngke a nooria tautian Ammon b'a a biri nako kaain Aram, ao a manga biri nako mairouia ana taanga ni buaka Abitiai ao a nako n okira oin aia kaawa. E katoka te buakaniia kaain Ammon ao e okira Ierutarem.

2.Tamuera 11:11

Ao e kaeka Uria ni kaangai, “E mena te Atiniberita ma ana taanga ni buaka Iteraera ma Iuta i nanon taian tawaana, n reitaki ma ara kam'anta are Ioaba ma ana aobitia ao ana taanga ni buaka. Ko bon iangoia b'a I riai ni kawara mwengau n am'arake ke ni mooi ao ni matu ma buu? I tuea i bon irou b'a N na aki karaoa anne!”

2.Tamuera 18:12

Ao e kaeka te m'aane arei ni kaangai, “E ngae ngkana ko anganai teuana tengaa te m'akoro n tirewa ngkai ikai, N na bon aki riinga naba teutana natin te uea te m'aane. Ti bon bane n ongo b'anaan te Uea are Tawita ngke e tuangiia Abitiai ma Itai b'a a na aki kaikoaka Abetarom.

2.Tamuera 18:2

E kanakoa teuana te katenim'akoro man ana taanga ni buaka i aan ana kairiiri Ioaba, ao te katenim'akoro i aan ana kairiri Abitiai are natin Teruia, ao nikiraia i aan ana kairiri Itai mai Kata. E tuangiia tautia ni kaangai, “N na buaka ma ngkami.”

2.Tamuera 19:7

Teirake ngkai! Otinako ao kaaitauia i bukin te b'ai ae a tia ni karaoia. I tuea n aran te UEA b'a bon akea te m'aane temanna ae e na tiku n am itera ni ingaabongin te ingabong. Tao iai ngkoa am kangaanga n taai aika a b'aka nako, ma e na rangi ni buakaka riki aei nakon ae a tia n riki nakoim!

2.Tamuera 2:18

A mena naba ikekei natin Teruia ake teniman ake: Ioaba, Abitiai, ao Ataera. E rangi ni biri m'aaka Ataera kaanga te ria i nanon te tawaana,

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

2.Tamuera 23:18

Bon te tia kairiiri irouia Taani Buaka ake Teningaun tarin Ioaba are Abitiai, ao n te buaka teuana e tiringiia tenibubua te m'aane n ana kainiwai. Bon te tia buaka ngaia ae tanoata taekana kaanga Taani Buaka ake Teniman

2.Tamuera 3:30

A tiringa Abenera teuare Ioaba ma tarina are Abitiai i bukina ngke e tiringa tariia are Ataera n te buaka i Kibeon.

2.Tamuera 3:39

Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

1.Uea 1:33

ao e taetae nakoia ni kaangai: “Kairiia tabeman au aobitia b'a kam na katokaa Toromon i aon au miure ao kairiia nakon Koburaken ranin Kion.

1.Rongorongo 11:20

Te tia kairiiri irouia Taani Buaka ake Teningaun bon Ioaba are tarin Abitiai, ao n te bonibuaka teuana e tiringiia tenibubua m'aane n ana kainiwai. E bon kakannato naba n aroia Taani Buaka ake Teniman

1.Rongorongo 18:12

Ao e kataenikaia aia taanga ni buaka kaain Etom Abitiai are natin Teruia n te M'arua are Taoro man tiringiia tebwi ma wanua tengaa man aia taanga ni buaka.

Ieremia 8:14

A taku i bon irouia kaain Iuta, “Ao tera ae ti a tataningaia? Ti riai ni biri rikaaki nakon kaawa ake iai ooia ma ni mate ikekei. Ti a tia ni kakaitaraa te UEA, ao motikan taekara bon te tiringaki ni kamooaki n te boitin.

Mareko 3:24

Ngkana e koro-utu te aba teuana, ao a buaka i bon i rouia, ao e na mauna arona n tautaeka.

1.Tamuera 26:6

Ao e titirakina Aimereka are kaain Eta, ao Abitiai are tarin Ioaba (Tinaia bon Nei Teruia), ao e taku nakoia, “Antai mairoumi ae e na irai nakon ana kaemb'a Tauro?” Ao e kaeka Abitiai ni kaangai, “N na iriko.”