2.Tamuera 20:21 - Te B'aib'ara

²¹ Bon tiaki anne bukin rokora. Iai te aomata ae nako man te aba are e tabukibuki are Eberaim. Arana bon Tieba, ao bon te tia kairiiri ngaia n te bootaki ni kamangao are e kaaitaraa te uea are Tawita. Anganai, ao N na kiitana am kaawa. Ao e taku neierei nakon Ioaba, “Ti na karenakoa atuuna nakoim mai aon te oo.”

2.Tamuera 20:21 ပူးပေါင်းရင်းမြစ်များ

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

2.Tamuera 20:2

Ma ngaia are, a aki ira Tawita ao a m'ananga nako ma Tieba. Ma a bon tiku i rarikin Tawita kaain Iuta ni moa man te Ioretan nako Ierutarem.

2.Tamuera 20:20

Ao e kaeka Ioaba ni kaangai, “I aki tangiria ni kamaunaa ke n urua te kaawa!

2.Tamuera 23:18

Bon te tia kairiiri irouia Taani Buaka ake Teningaun tarin Ioaba are Abitiai, ao n te buaka teuana e tiringiia tenibubua te m'aane n ana kainiwai. Bon te tia buaka ngaia ae tanoata taekana kaanga Taani Buaka ake Teniman

1.Uea 11:26

Boni kaain te kaawa ae Tereta i Eberaim teuae Ieroboam. E a tia ni mate tamana are Nebata, ma e boni maiu tinana are Nei Terua. Bon temanna naba ngaia ana aobitia Toromon, e ngae ngke e aki toki ni kakaitaraa Toromon.

2.Uea 10:7

Ao ngke a wareka ana kauoua n reta Ieu aomata akekei, ao a weteia ana kariki Aaba ake itingaun ni kabane. A tiringiia, ao a nnei atuiia i nanon te b'aatiketi, ao a kanakoi nako Ietireera.

2.Uea 5:22

Ao e taku Keati, “Eng, b'a e kanakoai au toka b'a N na tuangko i bukiia uoman burabeti aika ataei aika roko man Maungan Eberaim. A roko ni buubuti buokaia, ao e butiiko Eritai ngkana tao ko konaa n anganiia 34 te kirokuraem te tirewa ao kunnikai aika a boou?”

Ieremia 4:15

i m'aain rokon rongorongon te kabuanib'ai man taian tabuki ake i Eberaim ao te kaawa are Taan.

Ieremia 50:19

Ma N na uota Iteraera ni kaokia nakon oin abana. A na riki aomata b'a kaanga tiibu aika a am'arake ni kaon raoi birotoia i aon te Maunga are Karemera ao i B'atian, n aba are tabukibuki are i Eberaim ao i Kireata.

Iotua 24:33

E a manga mate Ereata are natin Aaron ao e taunaki i Kibea, te kaawa are n aaba ake a tabukibuki i Eberaim, te kaawa are e a manga anganaki natina te m'aane are Bineati.

Tani Motiki-taeka 7:24

Ao e kanakoa naba taani uarongorongo b'a a na tuangiia m'aane ni kabane ake a maeka n aaba ake a tabukibuki i Eberaim ni kaangai, Nakomai buokiira ni buakaniia kaain Miiria. Teiakini taian koburake n ran, karaanga n ran, ao taian m'anib'a, ni karokoa Beta Bara i m'aain rokoia kaain Miiria iai. Ao a teiakina naba te Karaanga are te Ioretan. Ao a karaoi raoi b'aai ni kabane ake e taekin Kiteon nakoia tautian Eberaim,

Tani Motiki-taeka 9:55

Ao ngke a nooria Iteraera ae e a mate aia tia kairiiri, ao a okira mwengaia.

1.Tamuera 24:6

ao e taku nakoia ana rorobuaka, “E na bon aki kariaia te UEA b'a N na karaoa ae e aki raoiroi nakon au toka, are bon te uea ae e rineaki! N na bon aki tiringnga, b'a bon au uea ae e rineaki iroun te UEA!”

1.Tamuera 26:9

Ao e reitia Tawita ma n taku riki, “Tai tiringnga! Bon ti te UEA ae e konaa ni katuaaea te uea ae E bon rineia.