2.Tamuera 20:15 - Te B'aib'ara

¹⁵ A roko Ioaba ma ana taanga ni buaka ao a katobibia Abera, b'a e aonga n akea ae e na konaa n otinako. A katabukirakea te tano nakon te oo ao a moana uruakan te oo ni b'ain uruanakin te oo.

2.Tamuera 20:15 ပူးပေါင်းရင်းမြစ်များ

2.Tamuera 20:14

E ri rarikin abaia kaain te baronga are Iteraera Tieba ao e roko n te kaawa are Abera Beta Maaka, ao a bane ni bootaki ana tautia aika bane aroia n te kaainga are Beri ikekei, ma n iri nako nanon te kaawa.

1.Uea 15:20

Ao Benatata, e karaoa te b'ai are e buubutii iai Ata ao e kanakoia tautian Turia nako Iteraera. A taua te kaawa are Iion, Taan, ao Abera-Betamaaka, ao aban Kinnerota ao Nabetari.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 19:32

I berita b'a e na aki rin i Ierutarem uean Aturia, ke ni katebea ana kainikatebe nako nanon te kaawa, ke ni katobibia ma ni katauraoia nakon buakanakina.

Te Minita 9:14

E riki aei ngke e katobibia ma ni buakana te kaawa ae e uarereke te tia tautaeka ae e korakora, ike a maeka iai ti tabeman aomata. A tauraoi aia tautia kairiribai n urua oon te kaawa man rin nako.

Itaia 37:33

I berita b'a e na bon aki roko i nanon Ierutarem uean Aturia, ke ni katebea te kanoanikatebe nako nanon te kaawa are e buubura, ke ni katobibia ma ni katauraoia ni buakani ngkami.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 33:4

Bon te UEA Ngai ae Atuaia Iteraera, ae I taekinna b'a e na b'aka ni m'akoroua autin Ierutarem ao ana bareti te uea i Iuta b'a mwiin ewekakina ao buakanakina.

Ieremia 6:6

Bon te UEA Ngai ae Moan te M'aaka, ao I tua b'a a na bane taian taanga ni buaka aikai ni koroi aroka ni kabane ma ni katei b'ain ninian nonon Ierutarem. Kaain Ierutarem, N na katuuaingkami i bukin ami motibuaka.

Etekiera 4:2

Ao i mwiina, katauraoi nakon buakanakin te buriki b'a kaanga te kaawa ni koaua. Katabuka te tano ni katobibiia ao karaoa b'ain niniana aika a rietaata ao katobibia te buriki n aia maeka kairiribai. Ao kaaki taiani boua aika kaai b'a kaanga aongkoa ko nang urua mataroan te kaawa.

Ruka 19:43

B'a ane a na roko i roum boong ake a na karaoa iai te o am kairiribai man tanon rarikim ae a katabukirakea ni katobibiko, ao ane a na otab'aniniiko, ni buakaniko mai rarikim nako.