2.Tamuera 20:12 - Te B'aib'ara

¹² E onrake rab'atan Amata n te raraa ao e wene i nuukan te kawai. Te tautia are e a tia n takarua e nooria b'a koraki ake a ri rarikin Amata a riai n tei, ao e kam'awanako te rab'ata arei man te kawai ao e rabuna aona n te burangketi.

2.Tamuera 20:12 ပူးပေါင်းရင်းမြစ်များ

2.Tamuera 17:25

E katokaa Amata Abetarom b'a onean mwiin Ioaba are te kam'anta n te taanga ni buaka. Taman Amata bon Itera are man ana utu Itimaera, ao tinana bon Nei Abikaira, are natin Naati te aine, are tarin tinan Ioaba are Nei Teruia.

2.Tamuera 2:23

Ma e bon aki rairaki Ataera, ma ngaia are, e ewaraki birotona iroun Abenera ni bukin ana kainiwai. E ribunako te kainiwai arei ao e otinako mai akuuna. Ao e b'aka ni mate Ataera. Ao a bane n tei ao a aki kakam'akuri aomata ngke a noora Ataera ni wene ni mate.

2.Tamuera 20:11

E tei temanna ana tautia Ioaba i rarikin rab'atan Amata ni weewete ni kaangai, “Akana a tei i bukin Ioaba ma Tawita a na ira Ioaba!”

2.Tamuera 20:13

A tib'a manga ira Ioaba aomata nako ni kaea Tieba ngke e a tia ni kanakoaki te rab'ata mai nanon te kawai.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taian Areru 9:16

E kaotia te UEA n arona ae boni kororaoi ni motikitaeka n te eti, ao a manga boni m'ane aomata akana buakaka n oin aia m'akuri.