2.Tamuera 20:10 - Te B'aib'ara

¹⁰ Ma e aki noora te biti Amata ni bain Ioaba are teaina. Ao e ewara biroton Amata teuare Ioaba, ao e nna nako kanoan nanona are iterana nako aon tano. E waekoa ni mate, ao e aki manga ewaria riki Ioaba. Ao i mwiina, a manga waaki nako Ioaba ma tarina are Abitiai n ri mwiin Tieba.

2.Tamuera 20:10 ပူးပေါင်းရင်းမြစ်များ

Karikani B'aai 4:8

Ao e taku Kain nakon tarina are Abera, “Ti a nako nakon te tawaana.” Ao ngke a roko i nanon te tawaana, ao e eweka tarina Kain n tiringnga.”

2.Tamuera 2:23

Ma e bon aki rairaki Ataera, ma ngaia are, e ewaraki birotona iroun Abenera ni bukin ana kainiwai. E ribunako te kainiwai arei ao e otinako mai akuuna. Ao e b'aka ni mate Ataera. Ao a bane n tei ao a aki kakam'akuri aomata ngke a noora Ataera ni wene ni mate.

2.Tamuera 20:9

Ao e taku Ioaba, “Tamau ae Amata, ko uara ngkai?” Ao e taui buain Amata teuare Ioaba ni baina are te angaatai, b'a e aonga ni konaa ni kiitinna.

2.Tamuera 3:27

Ao ngke e roko Abenera i Eberon, ao e a bakaaea te kan maroroo teuare Ioaba ma ngaia ni karaba. Ma ngaia are, e kaira Abenera nakon te ru teuana ae e uarereke ake bon m'akoron naba mataroan te kaawa ao e ewara birotona. E tiringnga Ioaba i bukina ngke e a tia Abenera n tiringa tarina are Ataera.

1.Rongorongo 12:2

Tabeman mai buakoia taani buaka aikai a nako man ana baronga Tauro are te baronga are Beniamin. A bon rangi ni b'aati ni kamanenaan taiani kanoa ni katebe ao kai ni katebe, ao a kauaanga ni katebe ao ni bana n te atiibu.

Ieremia 41:2

Ao i nanon tain te am'arake, ao Itimaera ma ana tautia a tiringa Ketaria are e rineaki i roun uean B'aburon b'a e na tautaeka i aon Iuta.

Warekaia Iteraera 35:20

Ngkana ko un, ao e a ti mate naba konam ngke ko butuia, ke ko oreia, ke ko kareia n te b'ai teuana.

Tani Motiki-taeka 3:15

Ao a bubutiia te UEA Iteraera buokaia, ao te UEA e rinea Euta man te baronga are Beniamin b'a e na kamaiuia. A rinea Euta b'a te tia rikoa te roonrab'ata nakon te uea are Ekeron, ma i m'aain nakon Euta, ao e karaoa te kabaang ae uaitera wiina. Bon te aomata ae maing Euta, ma ngaia are, e kabaea ana kabaang i babatina are te angaatai, ni karaba i aan niiniirana.

Tani Motiki-taeka 3:21

Ao e buuta ana kabaang Euta ni maingina ao e karinna i biroton Ekeron

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”