2.Tamuera 20:1 - Te B'aib'ara

¹ Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

2.Tamuera 20:1 ပူးပေါင်းရင်းမြစ်များ

Karikani B'aai 46:21

Natin Beniamin mm'aane bon Bera, Bekera, Atibera, Kera, Naaman, Ei, Roti, Mubim, Ubim, ao Areta.

2.Tamuera 15:10

E kairiia uabubua m'aane mai Ierutarem b'a a na raonna, ma a aki ataa te b'ai ae e nang karaoia.

2.Tamuera 16:11

Ao e taku Tawita nakon Abitiai ao ana tautia ni kabane: E kataia n tiringai oin natiu te m'aane! Ao e aera ngkai e tangiria riki te m'aane aei man te baronga are Beniamin b'a n na mate riki? Ke kamaraiaia ni kabane akana e tangiriia. E na mena ngkoa ao E bon tuangnga te UEA b'a e na kamaraiaai.

2.Tamuera 16:7

E tatakarua Timei nakon Tawita ni kaangai, “Naako mai ikai, ngkoe ae te tia tiritiri! Bon akea manenam,

2.Tamuera 18:17

Ao i mwiina, a karenakoa rab'atan Abetarom i nanon te m'arua i nanon te buakonikai ao a kaibetaotaoi taian atiibu i aona. Ao a bane ni biri n okiri mwengaia Iteraera i nanon te tai anne.

2.Tamuera 20:2

Ma ngaia are, a aki ira Tawita ao a m'ananga nako ma Tieba. Ma a bon tiku i rarikin Tawita kaain Iuta ni moa man te Ioretan nako Ierutarem.

2.Tamuera 20:22

Ao e nako neierei ni kawariia kaain te kaawa arei ao e taetae ma ngaiia i bukin karaoan arei. Ao i mwiina, a korea atuun Tieba ao a karenakoa nakon Ioaba. Ao e katanga te bu Ioaba b'a te kanikina, ao a okira mwengaia tautia.

2.Tamuera 23:6

Ma a rebenako aomata aika a buakaka kaanga ingin kaai aika a kateketeke. A aki konaa n tauaki n te bai,

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

2.Rongorongo 10:16

Ti nang boni karaoi b'aai ake ti bon taku. Bane mai Iteraera, ti a bane n okiri mwengara!

2.Rongorongo 10:6

Ao e nako Reoboam ni kawariia taani kairiiri ngkoa ake ana mataniwi aika rietaata tamana, ao titirakiniia ni kaangai, “Tera ae n na taekinna nakoia aomata aikai?”

Taian Areru 17:13

Karaoa ae ko taku te UEA! Ao kataenikaia. Kamaiuai mairouia aomata aika buakaka n am Kabaang.

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taeka n Rabakau 25:8

i m'aain ae ko katea temanna n te bowi, b'a ko rawa ni konaaki ao ko kamaamaaeaki.

Taeka n Rabakau 26:21

A karikirakea te kiriwe taani kakiriwe, kaanga ai aron te tib'aake ao te b'aa aika a karekea te ura.

Mareko 3:24

Ngkana e koro-utu te aba teuana, ao a buaka i bon i rouia, ao e na mauna arona n tautaeka.

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”

Ioane 13:8

E taku Betero nakoina, “Bon akea te anga ae Ko na teboki iai waeu!” E kaekaa Iesu ao E taku, “Ngkana I aki teboki waem, ao ko aki buokanib'ai ma Ngai.”

Te Tua-Kaua 13:13

Ane kam na ongo aia taeka aomata aika akea manenaia n tuangiia aomata ni kabane b'a a na taromauriia anti riki tabeman, e ngae ngke bon akea te b'ai ae a tia ni karaoia anti aikai i bukiia.

Tani Motiki-taeka 19:22

Ao a rangi ni kukurei n te tairiki arei, ngke a ti roko naba kaain te kaawa arei ni katobibia aia auti ma n ororea mataroan te auti ma n takaarua ni kaangai, “Kaotinakoia aomata akana a roko n am auti n te tairiki aei b'a ti na bure ma ngaiia.”

Tani Motiki-taeka 3:27

n aaba ake a tabukibuki i Eberaim, ao e katanga te bu are te kanikina.

Ruuta 2:3

Ma ngaia are, e a nakon te tawaana Ruuta ni karemrem iai i mwiia taan tai. Bon te kab'aia nakoina b'a ngaia e karemrem n ana tawaana Boaati are bon ana koraki Erimereka.

1.Tamuera 13:2

Ao i mwiina, e rineia tenua tengaa te m'aane mai buakoia Iteraera b'a tautia ni koaua, ao e kanakoia aomata ake nikirana nakoni mwengaia. Ao a tiku ma ngaia 2,000 man te taanga ni buaka i aon taian tabuki ake i rarikin Mikemati ao Betaera ao ake tekorakina a mena iroun Ionatan i Kibea n abaia kaain te baronga are Beniamin.

1.Tamuera 2:12

Bon taian ibonga natin Eri ake m'aane, ma a aki ongotaeka, ao aki kakaonimaki nakon te UEA.

1.Tamuera 30:22

Ma a taku tabeman rorobuaka aika a buakaka aika akea manenaia ake a ira Tawita, “A iriira rorobuaka aikai nakon te buaka, ma ngaia are, a na akea te b'ai ae a na anganaki man b'aai ake ti uoti mairouia kaain Amareka. A na ti anganaki buuia ma natiia ao a nako naba!”