2.Tamuera 2:26 - Te B'aib'ara

²⁶ Ao e takaarua Abenera nakon Ioaba ni kaangai, “Ti na katoka n ningai kakiokioakira i bon iroura? Ko aki ataia b'a ngkana maanra ni karaoa aei bon kakorakoraan riki te kangaanga n tokina? Ko nang tuangiia n ningai am rorobuaka b'a a nang katoka kakioakiia bon oin aia utu?”

2.Tamuera 2:26 ပူးပေါင်းရင်းမြစ်များ

2.Tamuera 11:25

Ao e kaeka Tawita ni kaangai, “Tuanga Ioaba ao e na aki kab'araa nanona n te b'ai ae e riki. Bon akea ae e konaa n ataia b'a antai ae e na mate n te buaka. Tuanga b'a e na kakorakoraa ana buaka n eekaanako te kaawa ma ni kab'akai oona nako.

2.Tamuera 2:14

Ao e takaarua Ioaba ni kaangai, “Ti a rineia ara tautia aika a bane aroia b'a a na bo! Ao e kariaia Ioaba,

2.Tamuera 2:16

A kaai ni buriti iran atuuia ao a ewariia n aia biti. A bane ni mate ikekei! Ao bon anne bukina are e aranaki iai te tabo arei b'a “Katawanangin Te Ewaewa.”

2.Tamuera 2:25

E kairiia rorobuakan Beniamin teuare Abenera n reitaki ma te m'akoro teuana nako aon te tabuki, ao a katauraoi nakon te buaka.

2.Tamuera 2:27

Ao e takaarua Ioaba ni kaangai, “I tuea n aran te Atua ae e maiu, b'a ngke arona b'a ko bon aki taetae, ao a na teimatoa au rorobuaka ni kakioia aia utu ni karokoa te ngaina!”

Iobi 18:2

“E na toki n ningai am kakabotaeka? Ongora moa b'a ti na taetae.

Iobi 19:2

“Tao ana maan ra karawawatan nanou n ami taeka?

Taian Areru 4:2

Maanraa ngkami aomata ni kamaamaeai? Maanraa ngkami n tangira ae akea bonganana? Ao ni iriira te kewe?

Taeka n Rabakau 17:14

Moanakin te kauntaeka kaanga ai aron te raran ni nnen te ran ma ngaia are, waekoa katokia i m'aain ae e nang bon riki raoi te uruaki.

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 4:21

Maan ra riki au tai n noora aia buraeki kairiribai ma n ongo tangin aia bu?

Ieremia 46:10

Ma E na tokanikai te UEA ae Moan te M'aaka n te buaka aei ao E na katoka nanona irouia aiana. A na kanaki n ana kaabaang ao ma n nimaki raraaia ni karokoa e ngae. Ane a na tiringaki i meaang i rarikin te karaanga are Iuberetiti, b'a te karea nakon te UEA.

Ieremia 46:14

“Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Otea 11:6

E na roko te buaka n aia kaawa nako, ao a na b'aka aia babaaire.

M'akuri 7:26

N te bong are i mwiina, ao e nooriia uoman b'a a un. E kan raoiakiniia, ma ngaia are e kaangai, “Mm'aane, kai taari ngkami, kam aera ngkai kam a kaikoakingkami?”