2.Tamuera 2:23 - Te B'aib'ara

²³ Ma e bon aki rairaki Ataera, ma ngaia are, e ewaraki birotona iroun Abenera ni bukin ana kainiwai. E ribunako te kainiwai arei ao e otinako mai akuuna. Ao e b'aka ni mate Ataera. Ao a bane n tei ao a aki kakam'akuri aomata ngke a noora Ataera ni wene ni mate.

2.Tamuera 2:23 ပူးပေါင်းရင်းမြစ်များ

2.Tamuera 2:24

Ma a ri mwiin Abenera uaake Ioaba ao Abitiai. Ao n tokina, ngke e a kaani bong, ao a roko n tabukin Amma, e aki rangi n raroa ma Kia i aon te kawai nako Rereuan Kibeon.

2.Tamuera 20:10

Ma e aki noora te biti Amata ni bain Ioaba are teaina. Ao e ewara biroton Amata teuare Ioaba, ao e nna nako kanoan nanona are iterana nako aon tano. E waekoa ni mate, ao e aki manga ewaria riki Ioaba. Ao i mwiina, a manga waaki nako Ioaba ma tarina are Abitiai n ri mwiin Tieba.

2.Tamuera 3:27

Ao ngke e roko Abenera i Eberon, ao e a bakaaea te kan maroroo teuare Ioaba ma ngaia ni karaba. Ma ngaia are, e kaira Abenera nakon te ru teuana ae e uarereke ake bon m'akoron naba mataroan te kaawa ao e ewara birotona. E tiringnga Ioaba i bukina ngke e a tia Abenera n tiringa tarina are Ataera.

2.Tamuera 3:30

A tiringa Abenera teuare Ioaba ma tarina are Abitiai i bukina ngke e tiringa tariia are Ataera n te buaka i Kibeon.

2.Tamuera 4:6

i nanon ana runiwene. Ao a rinnako taari ake uoman akekei, ao a bakaaea anaakin te buuraawa teutana.

2.Tamuera 5:6

A maeka kaain Iebuti i Ierutarem, ao a kaira ana taanga ni buaka Tawita ni buakaniia. A aki kaantaningaia kaain Iebuti b'a e na konaa n rin, ma ngaia are, a taku nakoina, “Ko aki konaa n rin ikai! Ti konaa ni kakionakoko, e ngae ngkana ti mataki ke ti aki konaa n nakonako!”