2.Tamuera 2:14 - Te B'aib'ara

¹⁴ Ao e takaarua Ioaba ni kaangai, “Ti a rineia ara tautia aika a bane aroia b'a a na bo! Ao e kariaia Ioaba,

2.Tamuera 2:14 ပူးပေါင်းရင်းမြစ်များ

2.Tamuera 2:15

ao a teirake tengaun ma uoman man te baronga are Beniamin b'a a na buaka ma tengaun ma uoman rorobuaka mairoun Tawita.

2.Tamuera 2:16

A kaai ni buriti iran atuuia ao a ewariia n aia biti. A bane ni mate ikekei! Ao bon anne bukina are e aranaki iai te tabo arei b'a “Katawanangin Te Ewaewa.”

2.Tamuera 2:17

Ao i mwiin arei e a moanaki te buaka. A kaai ni kakorakoraia ni uaitera, ma a konaa Abenera ma ana tautia Iteraera ana tautia Tawita.

2.Uea 14:8

N te bong teuana, e kanakoa ana rongorongo nakon te uea are Amatia are uean Iteraera: “Ko na otinako b'a N na bo ma ngkoe n te buaka.”

Taeka n Rabakau 10:23

A kukurei taian nanobaba ni karaoan te kaairua, ma a bane aomata nako aika a iangoraoi ni kukurei ni karaoa te m'akuri ma te wanawana.

Taeka n Rabakau 17:14

Moanakin te kauntaeka kaanga ai aron te raran ni nnen te ran ma ngaia are, waekoa katokia i m'aain ae e nang bon riki raoi te uruaki.

Taeka n Rabakau 20:18

Kakoaua raoi b'a e a reke iroum te taeka n reirei ae e raoiroi i m'aain karaoan am babaaire ke i m'aain waakinan am buaka.

Taeka n Rabakau 25:8

i m'aain ae ko katea temanna n te bowi, b'a ko rawa ni konaaki ao ko kamaamaaeaki.