2.Tamuera 19:29 - Te B'aib'ara

²⁹ Ao e kaeka Tawita ni kaangai, “E a bati n tau am taetae ni kawai! I a tia n iangoia b'a N na tib'aa te aba imarenam ma Tiba.”

2.Tamuera 19:29 ပူးပေါင်းရင်းမြစ်များ

2.Tamuera 19:28

Ma e ngae n anne, ao ko riai n tia n tiringiia au utu ni kabane ma ngai, ma ko aki b'a ko a manga kam'arakeai n am taibora. Te uea ae ko karineaki, tera riki ae N na buubuti iai?”

2.Tamuera 19:30

Ma e kaeka Mebiboteta ni kaangai, “E konaa n anai ni kabane! I nang kukurei ngkai ko a okira mwengam ma te maiu.”

2.Tamuera 9:2

Ao Tawita, e wetea Tiba are temanna mai buakoia ana taani m'akuri ana utu Tauro. E taku Tawita, “Boni ngkoe Tiba.” “Eng boni ngai.”

2.Tamuera 9:7

Ao e taku Tawita, “Ko na aki maaku. N na akoiko b'a ngaia tamam Ionatan. N na anganiko te aba are ana b'ai tibum are Tauro. Ao i rarikin anne, ko na am'aam'arake i rarikiu n au taibora.”

2.Tamuera 9:9

Ao e wetea Tiba are mataniwiia ana taani m'akuri Tauro ao e taku, “N na angan Mebiboteta b'aai ni kabane ake ana b'ai am toka are Tauro ma ana utu ngkai bon tibun Tauro Mebiboteta.

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 82:2

Kam riai n toki man aromi ni motikitaeka ae aki eti; Kam riai n aki manga nanoniia akana buakaka ngkana kam motikitaeka.

Taeka n Rabakau 18:13

Bon te waaki n nanobaba ni kamamaa te anga te kaeka i m'aain ae e ongora moa.

M'akuri 18:15

Ma ngkai e kaeti ma taian titiraki i bukin taeka ma aara, ma taekan ami tua, ao I a katikui taekaia nakoimi, b'a I aki kan riki b'a te tia motiki taekani baikai.”