2.Tamuera 19:28 - Te B'aib'ara

²⁸ Ma e ngae n anne, ao ko riai n tia n tiringiia au utu ni kabane ma ngai, ma ko aki b'a ko a manga kam'arakeai n am taibora. Te uea ae ko karineaki, tera riki ae N na buubuti iai?”

2.Tamuera 19:28 ပူးပေါင်းရင်းမြစ်များ

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

2.Tamuera 14:17

I a konaa ni motirawa raoi ngkai b'a ko a tia ni baairea arona. Ko ataa kaokoron te eti ma te kaairua n ai aron Ana anera te Atua, ao au tataro b'a e na meemena iroum te UEA ae Atuam.

2.Tamuera 14:20

b'a bon ti i bukin kaotan iteran te kangaanga are teuana nakoim. Ko wanawana kaanga aneran te Atua n atai b'aai nako aika a riki n te aba aei.”

2.Tamuera 15:26

Ma ngkana arona b'a E taku b'a E a aki kukurei irou, ao ke E karaoa ane E taku b'a te kabanea n tamaroa.

2.Tamuera 16:3

Ao e titiraki Tawita ni kaangai, “E ngaa Mebiboteta?” Ao e kaeka Tiba ni kaangai, “Are e tiku i Ierutarem, i bukina b'a e taku b'a a tangiria Iteraera b'a e na riki b'a te tia tautaekana abanuean tibuna are Tauro.”

2.Tamuera 19:29

Ao e kaeka Tawita ni kaangai, “E a bati n tau am taetae ni kawai! I a tia n iangoia b'a N na tib'aa te aba imarenam ma Tiba.”

2.Tamuera 9:10

Ko na m'akuri ngkoe ma natim m'aane ake tengaun ma niiman i bukin Mebiboteta. Kam na unika te aba ma n uoti uaana nakoina, b'a a aonga n reke kanaia ana utu ma ana taani m'akuri Tauro. Ma e na am'aam'arake Mebiboteta ma ngai n au taibora.”

2.Tamuera 9:13

E m'auku Mebiboteta, ma e a maeka i Ierutarem ao e am'aam'arake man ana taibora Tawita, kaanga aroia oin natin Tawita. Ao e a reke oin natina, ae arana Mika.

2.Uea 8:3

I mwiina, e a okira Iteraera ao e a butiia te uea n te tai naba arei b'a a na kaoka nako ina ana auti, ao ana b'ai.

1.Tamuera 26:16

Ko aki kororaoi n tib'angam. Abenera! I tuea n aran te UEA ae e maiu b'a kam bon riai ni mate ni kabane b'a kam a tia n aki kakaawakina ami toka, are e rineia te UEA b'a e na uea. Nooria! E ngaa ana kainiwai am uea? E nga ana tiaeki n ran are e mena i rarikin atuuna?”