2.Tamuera 19:24 - Te B'aib'ara

²⁴ Ao e kaaitibo naba ma Tawita Mebiboteta are tibun Tauro te m'aane. E a tia n aki kakaitibo ma Tawita n te tai ae e maan n te aro are e tuai man tebotebo ke ni koreaki buaina ke ni uaati kunnikaina man te tai are e nako iai Tawita.

2.Tamuera 19:24 ပူးပေါင်းရင်းမြစ်များ

2.Tamuera 12:20

Ao e teirake Tawita mai aon te burooa; e tebotebo, e kaara irana, ao e karina kunnikaina. Ao e m'ananga nakon ana autinrianna te UEA ao e taromauri, ao i mwiina, e a manga okira mwengana. Ao e bubuti kanana, ao e a am'arake ngke e roko kanana irouia ana taan m'akuri.

2.Tamuera 15:30

Ao e waaki nako Tawita nako karaabeen te Maunga are Oriweta. E bon aki kaunna ao e tang, ao e karabaa atuuna ni kaota rawawatana. Ao a bane n tang ake iria, ao a rabuni naba atuuia.

2.Tamuera 16:3

Ao e titiraki Tawita ni kaangai, “E ngaa Mebiboteta?” Ao e kaeka Tiba ni kaangai, “Are e tiku i Ierutarem, i bukina b'a e taku b'a a tangiria Iteraera b'a e na riki b'a te tia tautaekana abanuean tibuna are Tauro.”

2.Tamuera 9:11

Ao e kaeka Tiba ni kaangai, “N na karaoi b'aai ni kabane akana ko taekin teuae ko karineaki.”

1.Uea 2:8

Ko na riai ni karaoa te b'ai teuana nakon Timei are natin Kera te m'aane are kaain Baurim are n abaia kaain te baronga are Beniamin. B'a e a tia ni karereantiai, ma ni karawawataai n te bong are I nako Maanaim iai. Ma rimwi, ngke e a manga roko n te karaanga are te Ioretan ao I berita b'a N na aki tiringnga.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Ieremia 41:5

ngke a roko waningaun mm'aane n te kawai are e nako Mitib'a man te kaawa are Tekem, Tiro, ao Tamaria. Bon i aon kawaia nakon te Tembora b'a a na anga aia b'aintangira te uita ao taiani kaboiarara nakon te UEA. A a bon tia ni koroi buaia, ao a raeraei aia kunnikai, ao a korokoroi rab'ataia, i bukina ngke a tang.

Mataio 6:16

Ngkana kam aki mamatam, ao tai mata ni kananoanga n ai aroia taani m'am'ana-te-aba: b'a a katarabuakai ubuia b'a e aonga n noraki aia aki-mamatam irouia aomata. E koaua ae I a tuangngkami b'a e a tia n reke i irouia booia mani mwin aia m'akuri.

I-Rom 12:15

Kam na kim'areirei ma akana kim'areirei; kam na tang ma akana tang.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.