2.Tamuera 19:22 - Te B'aib'ara

²² Ao e taku Tawita, “Abitiai, tera ae n na riai ni karaoia ma tarim ane Ioaba? Ngkami taan tuangai b'a antai ae e kaairua? I a tia n rineaki b'a aia uea Iteraera ni kabane n te bong aei, ao bon akea temanna ae e na tiringaki!”

2.Tamuera 19:22 ပူးပေါင်းရင်းမြစ်များ

2.Tamuera 16:10

Ao e kaeka Tawita ni kaangai, “Ko na aki katabea nanom iai ma tarim are Ioaba. Ngkana arona b'a e kamaraiaai Timei b'a e tuangnga te UEA, ao antai ngkami b'a kam na katokia?”

2.Tamuera 16:5

Ao e tabe ni kaan Tawita nakon te kaawa are Baurim ngke e a ti otinako naba te m'aane temanna ni kamaraiia. Te aomata arei bon Timei are natin Kera te m'aane, ao bon temanna ngaia mai buakoia ana utu Tauro ae e a raroa.

2.Tamuera 16:9

Ao e taku Abitiai, “Te Uea ae ko karineaki, ti te bo te aomata aei ma te kamea ae akea manenana ae e a mate! E riai n aki anganaki te kariaia b'a e na kamaraiako. Kariaiai b'a N na nako ni korea roroana ni kanakoa.”

2.Tamuera 3:39

Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

Itaia 16:5

Ao i mwiina, e na tei abanuean te tangira, ao e na tautaeka ma te eti temanna man ana utu Tawita. E na karaoa ae e raoiroi mani uota te riai.

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

1.Tamuera 11:13

Ao e taku Tauro nako ia, “Tiaki ngaia anne! E kamaiuia Iteraera te UEA n te bong aei, ma ngaia are, akea ae na tiringaki.”

1.Tamuera 26:11

E na bon aki kariaia te UEA b'a N na tiringnga teuae E a tia n rineia te UEA b'a e na uea! Ti na anaa ana kaniwai ao ana tiaeki n ran, ao tia nako naba.”

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”

1.Tamuera 26:9

Ao e reitia Tawita ma n taku riki, “Tai tiringnga! Bon ti te UEA ae e konaa ni katuaaea te uea ae E bon rineia.