2.Tamuera 18:28 - Te B'aib'ara

²⁸ Ao e weewete Aimaati ni kaangai, “Ti tokanikai! Ti tokanikai!” Ao i mwiina, e bobaraaki ni karinanoa nakon Tawita ao e kaangai, “Te uea ae ko karineaki, neboa te UEA ae Atuam! E a tia n anganiira te tokanikai i aoia ana kairiribai.”

2.Tamuera 18:28 ပူးပေါင်းရင်းမြစ်များ

Karikani B'aai 14:20

E na neboaki te Atua ae Moan te Rietaata are E anganiko te tokanikai i aoia am kairiribai.” Ao Aberam e angan Merekitereka teuana te katebwina man b'aai ake e uoti rikaaki man te buaka.

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

2.Tamuera 1:2

Tenua te bong i mwiina, ao e roko te tautia man ana taanga ni buaka Tauro. A mangaingai kunnikaina, ao iai taian tano i aon taubukin atuuna. E nakon Tawita ao e katorobubua i matana.

2.Tamuera 14:4

Ao e m'ananga ainen Tekoa arei nakon Tawita. E bobaraaki ni karinanoa ao e taku, “Te uea ae ko karineaki, taiaoka b'a ko na buokai!”

2.Tamuera 22:27

Ko taua ma nanom nakoia ni kabane aika a taua naba ma nanoia, ma nakoia aika a aki kakaonimaki Ko karaoa are e bon riai n reke nakoia ni mwiin aia m'akuri.

2.Rongorongo 20:26

Ao n aia kaabong, ao a bane ni ikotaki aomata n te M'arua are Beraka ao a anene n nebonebo nakon te UEA. Ao bon anne bukina are e aranaki iai te tabo anne b'a M'aruan te Nebonebo.

Taian Areru 115:1

Tiaki ara b'ai te neboaki! Boni Ngkoe te UEA, ae Ko na anganaki te neboaki i bukin am Kakaonimaki ma am Atataiaomata.

Taian Areru 124:6

Ti na kaitaua te UEA! B'a E a tia ni kamaiura mairouia aiara kanga ai aroia maan ni kakang.

Taian Areru 31:8

Ko aki anga ngai nako nanoni baiia taan ribaai; Ko a tia ni kainaomataai b'a N na nako ike I kan nako iai.

Te Otinako 18:10

ao e taku, “E neboaki te UEA are E kamaiuko mairoun uean Aikubita ma kaaina! E neboaki te UEA are kamaiuia Ana aomata man te tautoronaki!

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.

1.Tamuera 24:18

Ko a tia ni kaotiko n te bong aei b'a ko bon rangi n raoiroi nako iu, ko aki tiringai, e ngae ngke e kaaki taekau te UEA i nanon baim!

1.Tamuera 25:23

Ao ngke e noora Tawita Nei Abikaira, e kawaekoa n ruo ma ni b'aka i aontano

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”