2.Tamuera 18:20 - Te B'aib'ara

²⁰ Ma e taku Ioaba, “Bon tiaki ngkoe ae ko riai n tuanga te uea ae e a mate natina te m'aane. Ko konaa n tuangnga te rongorongo anne n te tai teuana ma tiaki moa n te bong aei.”

2.Tamuera 18:20 ပူးပေါင်းရင်းမြစ်များ

2.Tamuera 18:19

Ao e taku Aimaati are natin Tatoka te m'aane, “Ioaba, kariaia b'a N na biri nako n tuanga te Uea are Tawita b'a E a tia te UEA ni kamaiua mairouia ana kairiribai.”

2.Tamuera 18:21

Ao e taku Ioaba nakon temanna te aomata ae kaain Itiobia ae e teitei ikekei, “Naako n tuanga te uea te b'ai ae ko a tia n nooria.” Ao e katorobubua te m'aane arei i matan Ioaba ao i mwiina, e teirake ao e birinako.

2.Tamuera 18:27

Ao e takaarua teuare e mena i taubukin te auti ni kaangai, “Ti te bo taraan are te moan bon Aimaati are natin Tatoka te m'aane.” Ao e taku Tawita n te tai aei, “Bon te aomata ae e raoiroi. E na bae ni uota te rongorongo ae e raoiroi.”

2.Tamuera 18:29

Ao e titiraki Tawita ni kaangai, “Ao e uara natiu are Abetarom?” Ao e taku Aimaati, “Ngke e kanakoai Ioaba ma am tia m'akuri, I nooriia aomata aika a kakarongoa. Ma I aki ataia b'a tera te b'ai arei.”

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

2.Tamuera 18:5

Ao e ongo te aba te takaarua ae e bane n ongo te aba ae e kaangai, “Ioaba! Abitiai! Itai! I butingkami b'a kam na aki kaikoaka te rorobuaka are Abetarom.”

2.Tamuera 19:1

Ao iai ae e tuanga Ioaba ni kaangai, “E tang te uea i bukin maten Abetarom.”