2.Tamuera 18:2 - Te B'aib'ara

² E kanakoa teuana te katenim'akoro man ana taanga ni buaka i aan ana kairiiri Ioaba, ao te katenim'akoro i aan ana kairiri Abitiai are natin Teruia, ao nikiraia i aan ana kairiri Itai mai Kata. E tuangiia tautia ni kaangai, “N na buaka ma ngkami.”

2.Tamuera 18:2 ပူးပေါင်းရင်းမြစ်များ

2.Tamuera 17:11

Aio au iango, ko na bootia m'anen Iteraera man te kaawa are Taan i meaang rikaaki nakon te kaawa are Beerateb'a i maiaki. Ko na kam'aitiia riki am tautia nakon tanon mataniwiin te bike. Abetarom, ko na kairiia boni ngkoe,

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

2.Tamuera 23:18

Bon te tia kairiiri irouia Taani Buaka ake Teningaun tarin Ioaba are Abitiai, ao n te buaka teuana e tiringiia tenibubua te m'aane n ana kainiwai. Bon te tia buaka ngaia ae tanoata taekana kaanga Taani Buaka ake Teniman

2.Tamuera 8:16

Ioaba are natin Teruia te m'aane bon mataniwin te taanga ni buaka. Ieotiab'ata are natin Airuta te m'aane bon te tia kaawakina rongorongon te tautaeka.

1.Uea 2:28

E aki buoka Abetarom teuare Ioaba b'a e na riki b'a te uea, ma e buoka Atoniia. Ma ngaia are, ngke e a ataia Ioaba b'a e a tia n tiringaki Atoniia, ao e biri nakon te Um'antabunrianna ma n taui ni kamatoai koonan te baonikarea ake aua.

Taian Areru 3:6

I aki makuia aomata aika tebwina tengaa m'aitiia, aika katobibiai n eekainako.

Tani Motiki-taeka 7:16

Ao e bwenaua ana taanga ni buaka Kiteon nakon 3 te m'akoro aika 100 kaain tekorakina, ao e katoaia tautia ma aia bu, ao te tiaeki te kaatibu ae buubura ae te taura i nanona.

Tani Motiki-taeka 7:19

Ao a roko ana taanga ni buaka Kiteon i rarikin aia kaemb'a aia kairiribai tabeua te aoa i mwiin te roo, bon i mwiin naba rokoia tautia tabeman ake aia kairiribai ake a na manga tei. Ao a katanga aia bu Kiteon ma ana koraki, ao a urui taian tiaeki ake kaatiibu, ake a karabaaki taian taura i nanoia,

Tani Motiki-taeka 9:43

Ao e bwenauaia ana taanga ni buaka Abimereka nakon 3 te koraki e karabaia ana taanga ni buaka i rarikin te katawanang i rarikin Tekem. Ao ngke a otinako aomata man te kaawa, ao a karina ni biri ana taanga ni buaka man taabo ake a karabaia iai ma ni buakaniia.

1.Tamuera 11:11

Ao n te bong are i mwiina, e bwenaua te taanga ni buaka Tauro nakon tenua te m'akoro ao ni buakaniia i m'aain otin taai. A waakina tiringakiia kaain Ammon, ao a waakinna ni karokoa mwiin te tawanou. A iangoa birinakoia tabeman kaain Ammon, ma a rangi ni uamaaenako n tatabemaniia nako.