2.Tamuera 17:9 - Te B'aib'ara

⁹ E na bae n tia ni karabaa n te nangananga ni b'aa ke n taabo tabeua. N te tai are a ongo iai b'a a tia n tiringaki am tautia, ao ane a taku aomata nako b'a e mate te taanga ni buaka ae b'anin.

2.Tamuera 17:9 ပူးပေါင်းရင်းမြစ်များ

2.Tamuera 17:10

Ma ngaia are, ngkana ko ninikoria kaanga te raian ma e na bon bua naba ninikoriam. A bane n ataia aomata b'a bon te tia buaka ae e korakora tamam ao te tautia ae e ninikoria.

2.Tamuera 17:8

I ataia b'a bon taani buaka raoi am koraki ni m'aane. Ti te bo ngkai ngaiia ma te tina ni bea ae e a tia n tiringaki natina. I rarikin anne, e bon rangi ni m'aiti taiani buaka aika e a tia n irii, ao ane e na bon aki konaa ni katairaa ma tabem'aang.

Ieremia 41:9

Te m'anib'a are a kaakarenako ia aia mate iai bon te m'anib'a ngkoa are e kenaki i roun Uean Iuta are Ata i bukin nnen te karau, b'a e maaku ngkoa ngkana e roko te Uea are B'aatia are uean Iteraera ni katobibia Mitib'a man tauia aomata i nanona b'a a na aki karekea aia ran.

Iotua 7:5

A kakioaki tautian Iteraera i rouia tautian Ai man te mataroa ni karokoa te tabo n riko atiibu, ao e kaania teningaun ma onoman tautian Iteraera ake a mate i nanon tain kakioakiia rikaaki man te tabuki. Ao a buuang aomatan Iteraera ao a maaku.

Iotua 8:6

Ane a na taku b'a ti birinako mai rouia n aron are ti karaoia naba ngkoa ngke ti moan buakana Ai, ao ane a na kakioira ni karokoa a raroanako man te kaawa.

1.Tamuera 22:1

Ao e a manga biri nako Tawita nakon te aba are Kata ao e nakon te nangananga ni b'aa are i rarikin te kaawa are Aturam. Ao ngke a ongo tarina nako ao ana utu ni kabane b'a e a mena ikekei, ao a nako n raonna.

1.Tamuera 23:22

Ma ngaia ae, kam na nako, ao manga kakoauaa raoi riki; kakaea riki b'a e mena ia ao antai ae e a tia n nooria ikekei. I ongo b'a e rangi n rabakau ni kam'aningaa te aba.

1.Tamuera 24:3

Ao e roko n te nangananga ni b'aa ae e kaan ma taian oo n tiibu tabeua i rarikin te kawai ao e nako b'a e na rairaki. Ao ngaia bon te nangananga ni b'aa are e karabaa iai Tawita ma ana rorobuaka.