2.Tamuera 17:29 - Te B'aib'ara

²⁹ Taiani kie ni matu, burangketi, boora, tiaeki n tano, taiani uita, taiani b'aare, te buraawa, te uita ae e tinimaki, taiani biin, taian rentire, ana karewe te manibeeru, te b'ata, te tiibu, ao te tiiti. A uota te am'arake i bukin Tawita ma raona i bukina ngke a ataia b'a a bane ni baki, ma ni kua, ao a taka i mwiin te mena n te rereua.

2.Tamuera 17:29 ပူးပေါင်းရင်းမြစ်များ

2.Tamuera 16:14

Ao ngke a roko Tawita ma raona akekei n te Karaanga are te Ioretan, ao a bon kua, ma i mwiin motirawaia, e a manga reke korakoraia.

2.Tamuera 16:2

Ao e titiraki Tawita ni kaangai, “Tera te b'ai aei?” E taku Tiba, “Taian aati aikai bon i bukini baaom ma am utu. Ao te kariki ma taiani uaanikai i bukin kanaia aomata, ao te wain i bukin te mooi n te rereua ngkana a taka.”

2.Tamuera 17:2

ngkana e a kua ma ni b'ara nanona. Ane e na aki reke ana tai, ao a na bane ni biri nako raona. Akea temanna ae N na tiringnga b'a ti Tawita,

Taian Areru 107:5

A mate ni baki, ao a taka, ao a b'ara nanoia.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taeka n Rabakau 21:26

Ma a tituaraoi n taai nako, aomata aika a ongotaeka iroun te Atua.

Itaia 21:14

b'a a na uota te ran i bukiia aika a bora n taka. Ngkami aika kaain Tema kam na riai ni uoti taian am'arake i bukiia taan rawei maiuia aika a bora ni baki.

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Ruka 8:3

ma Nei Ioana, are buni Kuta are ana touati Erote, ma Tutanna, ma aine riki aika bati ake a tia ni buokiia ni baike a kainanoi.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

1.Tamuera 17:18

Ao aikai tebwina taian tiiti ae ko na uoti nakon mataniwiia taani buaka. Ao ongora b'a tera aroia tarim ao n uota rikaaki te b'ai ae kanikinaea aroia b'a uara.