2.Tamuera 17:14 - Te B'aib'ara

¹⁴ Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Tamuera 17:14 ပူးပေါင်းရင်းမြစ်များ

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 15:34

Naako okira te kaawa ao tuanga Abetarom ni kaangai, “Te Uea ae ko karineaki, am tia m'akuri Ngai. N na m'akuri i bukim ngkai, n arou ngkoa naba ngke I m'akuri naba iroun tamam.” Ngkana ko kona ni karaoa anne, ao ko na kona naba ni kamangaoa ana iango nako Aitobera.

2.Tamuera 16:23

E angaanga ana taeka n reirei Aitobera ni boong akekei ake a kaai n taku Abetarom ao Tawita b'a a roko mairoun te Atua.

2.Rongorongo 10:15

Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.

2.Rongorongo 10:8

Ma e aki kukurei Reoboam n aia iango ao e a manga nako ni kawariia rorobuaka n ataei ake e bon kaai n ikawai rake ma ngaiia ake a riki ngkai b'a taian mataniwi.

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

2.Rongorongo 25:20

Ma e karika Amatia te UEA b'a e na taningabono i bukina ngke e nang iangoa katuaaeana i bukina ngke e taromauri antiia kaain Etom. E rawa Amatia n ongo n ana kauring Ieoaati,

Neemia 4:15

A ataia ara kairiribai ae ti ataa aia m'akuri ni kam'ane nakoira, ma e tuukia te Atua man karaoan aia iango. Ma ngaia are, ti okiri ara m'akuri n te oo.

Iobi 12:17

E uoti nako rabakauia taan tautaeka, ao E karikiia taan kairiri b'a nanobaba.

Taian Areru 9:15

A b'aka botannaomata ake a aki onimakiniko i nanon kinono ake a ken. A boni manga bae waeia n aia b'ai ni kam'aam'ane.

Taian Areru 9:16

E kaotia te UEA n arona ae boni kororaoi ni motikitaeka n te eti, ao a manga boni m'ane aomata akana buakaka n oin aia m'akuri.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Taeka n Rabakau 19:21

Ti konaa ni karaoi ara babaaire aika a bati, ma e na bon karaoa are e bon baaireia te UEA.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Amota 9:3

Ngkana a karabaia i aon te maunga are Karemera, N na bon ukoriia naba ma n raweia. Ngkana a karabaia mai rou i aan taari, ao N na tuangiia ika ni kaakang b'a a na kaniia.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

1.I-Korinto 3:19

B'a rabakaun aonnaba bon te nanobaba iroun te Atua. B'a e koreaki ae kangai: “E kam'aneia akana rabakau te Atua n aia iango n nanowanawana.”

Te Tua-Kaua 2:30

Ma e rawa Taion ni kariaia b'a ti na ri nanon abana, i bukina b'a E boni karikia te UEA b'a e na taningamatoa, ma ni ingainga ni kan buakaniira.

Iotua 11:20

Bon te UEA ae kataningabonoia ma ni kakorakorai nanoia ni kan buakaniia Iteraera b'a aonga n tiringaki n akea te nanoanga ma ni kamaunaaki i rouia aomatan Iteraera n ai aron ana taeka te UEA nakon Moote.