2.Tamuera 17:10 - Te B'aib'ara

¹⁰ Ma ngaia are, ngkana ko ninikoria kaanga te raian ma e na bon bua naba ninikoriam. A bane n ataia aomata b'a bon te tia buaka ae e korakora tamam ao te tautia ae e ninikoria.

2.Tamuera 17:10 ပူးပေါင်းရင်းမြစ်များ

Karikani B'aai 49:9

Bon te raian ngkoe Iuta, E tiringiia konana, ao e uotia nakon b'angana, E aroria ni wene. Bon akea ae kona n aki karaua.

2.Tamuera 1:23

E nang beebete karekean tangiraia Tauro ao Ionatan. A kaai ni maiu, a kaai ni mate, a biri m'aaka riki nakoia ikare ao a korakora riki nakoia taian raian.

2.Tamuera 17:9

E na bae n tia ni karabaa n te nangananga ni b'aa ke n taabo tabeua. N te tai are a ongo iai b'a a tia n tiringaki am tautia, ao ane a taku aomata nako b'a e mate te taanga ni buaka ae b'anin.

2.Tamuera 23:20

Bon te aomata ae e ninikoria Benaia are natin Ioiata te m'aane are man Kabeteera are e karaoi b'aai aika a kamimii. E tiringiia uoman ana taani buaka Moaba aika a bane aroia, ao ni bongin te kam'aitoro teuana e ruona b'angan te raian ao e tiringa te raian.

Taian Areru 89:19

Ko taku n taai ake ngkoa i nanoni te mii nakoia am Toro ake a kakaonimaki, “I a tia ni buoka te tautia ae bati n ataaki; I a tia n anga te kaintokanuea nakon temanna ae I rineia mai buakon te botannaomata.

Te Otinako 15:15

A maaku taani kairiri i Etom; a ruru m'anen Moaba ake a korakora; ao a biu kaain Kanaan.

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Ana Anene Toromon 3:7

Bon te uea are Toromon ae e uotaki i aon ana kaintokanuea, ao e katobibiaki irouia onongaun ana tautia Iteraera aika a bane aroia.

Itaia 13:7

A na bane ni maaku aomata ni kabane. A na akea angin taiani bai; a na mauna nako taian anginnano.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Etekiera 21:15

Ane a na mauna ninikoriaia ao a na b'aka ni maaku. E tataninga Au kabaang iai mataroa ni kabane, n raneanea ma n tauraoi nakon tiritiri.

Te Tua-Kaua 1:28

Ti a rangi ni maaku i bukina b'a a taku koraki ake a nako n tuoa te aba b'a a rangi ni buubura kaawa akekei, ma ooia aika rietaata nako karawa. Ao a ab'ab'aki man korakora riki aomata ake a maeka ikekei nakoira, ao bon taian Anakim tabeman mai buakoia. Bon akea te tabo ae ti na nako iai.”

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

1.Tamuera 16:18

Ao e taku temanna ana aobitia, “Iai temanna natin Iete te m'aane are maeka i Betereem ae rabakau ni katangitang. Bon te tia buaka ae ninikoria, te ataeinim'aane ae botonim'aane, e kona n taetae raoi, ao e mena te UEA i rouna.”

1.Tamuera 18:17

Ao n te tai teuana, ao e tuanga Tawita Tauro ni kaangai, “Ngkana ko ninikoria ni buaka n ana buaka te UEA i buku, ao N na kaieiniko ma natiu te aine are te karimoa are Nei Meraba.” Ma e iango i nanona Tauro ni kaangai, “I aki tangiria n tiringa Tawita, ma ngaia are, N na kanakoa b'a a na tiringnga kaain Biritia i buku.”