2.Tamuera 16:4 - Te B'aib'ara

⁴ Ao e tuangnga Tawita ni kaangai, “A riki ngkai b'aai ni kabane ake e b'ain Mebiboteta b'a am b'ai.” Ao e taku Tiba, “Te Uea ae ko karineaki, bon am tia m'akuri ngai ae I mangori, ao au kaantaninga b'a N na bon kakukureiko.”

2.Tamuera 16:4 ပူးပေါင်းရင်းမြစ်များ

2.Tamuera 14:22

Ao e boobaraaki Ioaba n rangi ni karinanoa ao e taku, “Te Uea ae ko karineaki, ko rab'a ngkai ko anganai te kariaiakaki. E teretere raoi iai b'a ko butim'aea au iango.”

2.Tamuera 14:4

Ao e m'ananga ainen Tekoa arei nakon Tawita. E bobaraaki ni karinanoa ao e taku, “Te uea ae ko karineaki, taiaoka b'a ko na buokai!”

2.Tamuera 14:8

Ao e taku Tawita nakoina, “Okira mwengam, N na katoka te kangaanga anne i bukim.”

2.Tamuera 16:3

Ao e titiraki Tawita ni kaangai, “E ngaa Mebiboteta?” Ao e kaeka Tiba ni kaangai, “Are e tiku i Ierutarem, i bukina b'a e taku b'a a tangiria Iteraera b'a e na riki b'a te tia tautaekana abanuean tibuna are Tauro.”

2.Tamuera 16:5

Ao e tabe ni kaan Tawita nakon te kaawa are Baurim ngke e a ti otinako naba te m'aane temanna ni kamaraiia. Te aomata arei bon Timei are natin Kera te m'aane, ao bon temanna ngaia mai buakoia ana utu Tauro ae e a raroa.

2.Tamuera 19:27

e karaoa taekau nakoim n te aro ni kewe, ma ko bon wanawana kaanga aneran te Atua, ma ngaia ae ko na karaoa te b'ai ane ko bon taku b'a e raoiroi.

2.Tamuera 9:6

Arana bon Mebiboteta, ao bon tibun Tauro te m'aane. E roko iroun Tawita ao e boobaraaki. Ao e titirakinna Tawita ni kaangai, “Bon Mebiboteta ngkoe?” Ao e taku, “Eng, teuae ko karineaki.”

2.Tamuera 9:9

Ao e wetea Tiba are mataniwiia ana taani m'akuri Tauro ao e taku, “N na angan Mebiboteta b'aai ni kabane ake ana b'ai am toka are Tauro ma ana utu ngkai bon tibun Tauro Mebiboteta.

Te Otinako 23:8

Kam na aki butim'aea te anai nano. A matakii taan moti ao ni b'aoua nako aia motikitaeka ae eti n taian anai nano.

Taeka n Rabakau 18:13

Bon te waaki n nanobaba ni kamamaa te anga te kaeka i m'aain ae e ongora moa.

Taeka n Rabakau 18:17

Kam na bae n taku b'a kam a tokanikai n te kabowi ni kaburebure, i m'aain taetaen kaaitaraam.

Taeka n Rabakau 19:2

A aki konaa ni kaai n airi te kani b'aib'ai ma te bangab'ai. E na aki reke iroumi te kawai ngkana kam rangi ni ienikuri.

Te Tua-Kaua 19:15

A na ti kakoauaaki aia kaotioti uoman taani kakoaua i bukin motikantaekaia aomata.