2.Tamuera 16:23 - Te B'aib'ara

²³ E angaanga ana taeka n reirei Aitobera ni boong akekei ake a kaai n taku Abetarom ao Tawita b'a a roko mairoun te Atua.

2.Tamuera 16:23 ပူးပေါင်းရင်းမြစ်များ

2.Tamuera 15:12

Ao a roko riki aomata aika a m'aiti ni kaakawara Abetarom ma ni uataboa ana iango ni kam'arua. I nanon taai akanne, e a tia ni karaba ni kanakoa te tia uarongorongo b'a e na tuangiia aomata ni kabane ni kaangai, “Ngkana kam ongo tangin te buu ao kam na bane n takaarua ni kaangai, ‘E a uea ngkai Abetarom i aon Eberon!’ ”

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 17:1

Ao e taku Aitobera nakon Abetarom: Ko na kariaia b'a N na rineia tebwi ma uoua te ngaa te m'aane b'a a na buakana Tawita n tairiki,

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Iobi 5:12

E aki kakoroi bukin aia babaire aomata aika taan minotiia aomata,

Taian Areru 19:7

Moan te raoiroi ana Tua te UEA; E karika te maiu ae boou. E teimatoa n aki totoki ana taeka n reirei te UEA; E kawanawana ane e roo nanona.

Taian Areru 28:2

Ongo irou ngkana I tabeki rake baiu ni kaitaraa am Tembora n au tai n tataro, B'a I tangira buokau mairoum.

Te Minita 10:1

E kaboiraaea ana kabira te tia motiboi naango tabeman aika a mate i nanon te kabira, ao e kabuakaka te wanawana ae e m'aiti te nanobaba ae ti teutana.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

I-Rom 1:22

A taku b'a a rabakau, ma a nanobaba;

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

1.Tamuera 30:8

Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”