2.Tamuera 16:10 - Te B'aib'ara

¹⁰ Ao e kaeka Tawita ni kaangai, “Ko na aki katabea nanom iai ma tarim are Ioaba. Ngkana arona b'a e kamaraiaai Timei b'a e tuangnga te UEA, ao antai ngkami b'a kam na katokia?”

2.Tamuera 16:10 ပူးပေါင်းရင်းမြစ်များ

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

2.Tamuera 19:22

Ao e taku Tawita, “Abitiai, tera ae n na riai ni karaoia ma tarim ane Ioaba? Ngkami taan tuangai b'a antai ae e kaairua? I a tia n rineaki b'a aia uea Iteraera ni kabane n te bong aei, ao bon akea temanna ae e na tiringaki!”

2.Tamuera 19:23

Ao i mwiina, e tuanga Timei b'a e na aki tiringaki.

2.Tamuera 3:39

Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

1.Uea 2:5

Toromon, ko na aki m'aninga te b'ai are e a tia ni karaoia Ioaba nako iu ngke e tiringa Abenera are natin Nara te m'aane, ao Amata are natin Ietera te m'aane are, mataniwiin te taanga ni buaka i Iteraera ake uoman. E tiringiia kaanga ai aroia kairiribai n te bo ni buaka, ma e boni karaoa aei n tiaki tain te bo ni bo ni buaka. E bon reke n te bure, ao e bon nakoim katuaaeaia

2.Uea 18:25

Kam na aki m'aninga are bon te UEA ae E kanakomaiai b'a N na kamaunaa ami botannaomata.”

Iobi 9:12

E anaa te b'ai ae bon taku, ao bon akea temanna ae kona ni katokia; akea temanna ae na kataia n titirakinna ni kaangai, tera ae Ko karaoia?

Taian Areru 39:9

I aki ngongoo; I aki taetae naba teutana, b'a boni ngkoe ae ko karika aei.

Te Minita 8:4

Bon te tua ana taeka te Uea. Akea ae e konaa n titirakinna ni kaangai, “E aera ngkai ko karaoa aei?”

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mataio 16:23

Ma E rairaki ao E taku nakoni Betero, “Naako akuu Tatan! Ko riki b'a te b'ai ni kab'akab'aka nako Iu; b'a e reke i roum aron nanon te aomata ma tiaki aron nanon te Atua.”

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.